Հանրային ծառայութիւնները կարգաւորող յանձնաժողովը Յունիս 17­-ին կայացած նիստին որոշում ընդունեց ելեկտրականութեան թանկացման մասին:

«Արմէնփրէս»-­ի հաղորդմամբ` 2015 թուականի Օգոստոս 1­-էն ելեկտրականութեան սակագինը կը բարձրանայ 6.93 դրամով: «Յանձնաժողովը, ունենալով շատ մասնագէտներ, մանրակրկիտ ուսումնասիրել է սակագնի բարձրացման յայտը: Սակագնի հաշուարկներում ներառուած շատ ծախսեր կրճատուել են, սակայն դրանից աւելի հնարաւոր չէր` էլեկտրաէներգիայի ապահով մատակարարումն ապահովելու տեսանկիւնից: Մենք էլ սպառող ենք, եւ մեզ էլ հաճելի չի այս բարձրացումը»,­ ըսաւ Նազարեան:

ՀԾԿՀ­-ի որոշման համաձայն` 0.38 կվ լարման ցանցերէն սնուող սպառողներուն, ինչպէս նաեւ` տնային տնտեսութիւններուն համար ցերեկային սակագինը 1 կվ  կը կազմէ 48.78 դրամ` նախկին 41.85 դրամի փոխարէն, գիշերային սակագինը ( ժամը 23.00­էն մինչեւ 7.00)` 38.78 դրամ` նախկին 31.85 դրամի փոխարէն: 6 (10) կվ լարման սպառողներուն համար ցերեկային նոր սակագինը կը կազմէ 45.78 դրամ ` նախկին 38.85 դրամի փոխարէն , գիշերայինը` 35.78 դրամ 28.85 դրամի փոխարէն:

35 կվ եւ բարձր լարման պարագային ցերեկային սակագինը կը կազմէ 39.78 դրամ 32.85 դրամ փոխարէն (ներառեալ բարձրացած արժէքի հարկը) , գիշերայինը` 35.78 դրամ ` 28.85 դրամի փոխարէն (ներառեալ բարձրացած արժէքի հարկը): «Հայաստանի էլեկտրական ցանցեր» ընկերութիւնը դիմած էր Հանրային ծառայութիւնները կարգաւորող յանձնաժողով` հոսանքի սակագինը բաձրացնելու համար: ՀԵՑ-ը կ’առաջարկէ 1 կվ-ի սակագինը բարձրացնել մինչեւ 58 եւ 48 դրամ (17 դրամով)` գիշերուան եւ ցերեկուան համար: Հանրային ծառայութիւնները կարգաւորող յանձնաժողովը իր ուսումնասիրութիւններու արդիւնքնով հիմնաւոր համարեց 6.93 դրամով թանկացումը:

Ելեկտրականութեան սակագինի նախորդ փոփոխութիւնը կատարուած էր 2014 թուականի ամրան: Հանրային ծառայութիւնները կարգաւորող յանձնաժողովը Յուլիս 1­ին կայացած նիստին ընդունած էր որոշում` համաձայն որուն, Օգոստոս 1­-էն 3.85 դրամով բարձրացուեցաւ ելեկտրականութեան սակագինը: Այդ ընթացքին քաղաքացիական որոշ զանգուածներ փորձեցին բողոքի ցոյցերու միջոցով պայքարիլ որոշման ընդունման դէմ, սակայն ապարդիւն: