Թուրքիոյ Քոնիա քաղաքին մէջ Յունիս 8-ին մեկնարկած է «Անատոլիական արծիւ – 2015/1» խորագիրով լայնածաւալ զօրավարժութիւնները: Ըստ Ermenihaber.am-ի, որ կը վկայակոչէ թրքական «Hurriyet»-ը` զօրավարժութիւններուն կը մասնակցին ՆԱԹՕ-ի (Հիւսիսատլանտեան դաշինք), ԱՄՆ-ի Թուրքիոյ, Գերմանիոյ, Անգլիոյ, Սպանիոյ եւ Փաքիստանի ռազմաօդային, ցամաքային եւ ռազմածովային ուժերը:

ԱՄՆ-ն օդուժի զօրավարժութիւններուն ներկայացուած է F-15 տիպի 12 կործանիչով, Գերմանիան` A-310 տիպի 1 ռազմական օդանաւով, Անգլիան` EF-2000 տիպի  6 ռազմական օդանաւով, Սպանիան` F-18 տիպի 6 ռազմական օդանաւով, իսկ Պակիստանը F-16 տեսակի 6 կործանիչով:

Իսկ ՆԱԹՕ-էն օդուժի զօրավարժութիւններուն պիտի մասնակցի E-3A տիպի 1 օդանաւ, F-4E 2020 տիպի 12 կործանիչ, F-16 տիպի 42 ռազմական օդանաւ, KC-135  տիպի վառելիք փոխադրող 1 օդանաւ, երկու CN-235 տիպի ռազմական օդանաւ, մէկ AS-532 տիպի ռազմական ուղղաթիռ, ինչպէս նաեւ E-7T տիպի ռազմական օդանաւ:

Ցամաքային զօրավարժութիւններուն ՆԱԹՕ-ն ներկայացուած պիտի ըլլայ 2 T129 (ATAK)  եւ S-70 ռազմական ուղղաթիռներով, իսկ ծովային զօրավարժութիւններուն ՆԱԹՕ-ն գործի կը դնի երեք ժամանակակից ռազմանաւ:

Զօրավարժութիւնները տեղի կ՛ունենան փորձի փոխանակման  նպատակով:

Նշենք, որ զօրավարժութեան դիտորդի կարգավիճակով կը մասնակցին, Ատրպէյճանը, Պրազիլիան, Դանիան, Ինտոնեզիան, Էսթոնիան, Մարոքը, Ճաբոնը, Քաթարը, Հարաւային Քորէայի Հանրապետութիւնը, Քոսովոն, Լիբանանը, Մալազիան, Մոլտովան , Մոնկոլիան, Ռումինիան, Սենեկալը, Սլովաքիան, Սլովենիան, Չիլին, Տաճիկիստանը, Թունիսը, Օմանը:
Զօրավարժութիւննէր պիտի աւարտին Յունիս 19-ին: