Երեք օր շարունակ Մարսէյլի մէջ պիտի ցուցադրուին հայ դասական եւ արդի նկարիչներու քանի մը տասնեակ ստեղծագործութիւններ, որոնք ֆրանսացի այցելուին պիտի պատմեն Հայաստանի եւ հայ ժողովուրդի մասին:

Ինչպէս կը հաղորդէ «Արմէնփրես»-­ը` վկայակոչելով` Nouvelles d’Arménie-ն, «Ծիրանի ծաղիկ» անուանը կրող ցուցահանդէսին մեկնարկը Յունիս 19-­ին է: Պիտի ցուցադրուին Լեւոն Թութունջեանի, Երուանդ Քոչարի, Մարիտիրոս Սարեանի, Արշիլ Կորքիի, Վարդգէս Սուրէնեանցի ստեղծագործութիւնները:

Ցուցահանդէսին նախաձեռնողը «Բարձր արուեստ» կեդրոնն է, որ անցեալ տարի «Արթ Մոնաքօ 2014» ցուցահանդէսի ժամանակ արժանացած է ամենաբարձր մրցանակին: Ցուցահանդէսին կայացման աջակցած են ՀՀ սփիւռքի նախարարութիւն ու «Marseille Provence 2015 Armenia» միութիւնը: Ցուցահանդէսը պիտի տեւէ մինչեւ Յունիս 21: