«Business Insider» կայքի աւստրալական տարբերակը ներկայացուցած է Եւրոպայի զբօսաշրջութեան լաւագոյն վայրերէն քանի մը հատը, որոնք մինչեւ հիմա անյայտ են շատերու համար:

Թաքնուած մարգարիտներու իր ցանկին մէջ կայքը ներառած է 16 վայր` Դանիոյ Ֆերարեան կղզիներէն մինչեւ Հայաստանի հնագոյն վանքերը:

16 տեսարժան վայրերու շարքին կայքը ներկայացուցած է Տաթեւի վանքը: «Հայաստանի Տաթեւ գիւղի հարեւանութեամբ կը գտնուի 9-րդ դարու Տաթեւի վանքը: Անհաւանականօրէն լաւ պահպանուած այս վանքէն հիասքանչ տեսարաններ կը բացուին»,- ըսուած է կայքին` լուսանկարներով ուղեկցուող հրապարակման մէջ: