ՀՀ արտաքին գործոց նախարար Էդուարդ Նալպանտեան Մայիս 27-ին Դամասկոսի մէջ հանդիպած է Սուրիոյ նախագահ Պաշար ալ Ասատի հետ, որմէ ետք մեկնարկած է Սուրիոյ եւ ՀՀ ԱԳ նախարարներու մամլոյ ասուլիսը:

Սուրիական ՍԱՆԱ գործակալութեան փոխանցմամբ, կը գրէ Արցախփրէսը, ասուլիսի ընթացքին Սուրիոյ արտաքին գործոց նախարար Ուալիտ ալ Մուալլէմ նշած է, որ ՀՀ ԱԳ նախարարը արդիւնաւէտ եւ կառուցողական քննարկումներ  ունեցած է Սուրիոյ նախագահ Պաշար ալ Ասատի հետ: «Բացի այդ քննարկումներ ենք ունեցել Արտաքին գործերի նախարարութիւնում տարբեր հարցերի եւ երկու բարեկամ երկրների միջեւ երկկողմ յարաբերութիւնների շուրջ»,- նշած է նախարարը:

Մուալլէմ նաեւ ըսած է, որ իրենք նոյնանման տեսակէտներ  արտայայտած են քննարկուած հարցերու, երկու երկիրներու միջեւ երկկողմ յարաբերութիւններու եւ Սուրիոյ մէջ ահաբեկչութեան դէմ պայքարի վերաբերեալ: «Եթէ միջազգային հանրութիւնը պատժէր ոճրագործները, որոնք նախորդ դարուն իրականացուցած են յանցագործութիւններ հայերու հանդէպ, այսօր Թուրքիոյ մէջ անոնց ժառանգները չէին համարձակիր յանցագործութիւններ իրականացնել իրենց գործիքներու միջոցով Սուրիոյ մէջ»,- նշած է ԱլՄուալլէմ:

Իր հերթին ՀՀ ԱԳ նախարար Էդուարդ Նալպանտեան մտահոգութիւն  յայտնած է Սուրիոյ մէջ շարունակուող բախումներուն վերաբերեալ: