«Ոսկէ ծիրան» երեւանեան միջազգային 10-րդ կինոփառատօնի ծիրէն ներս յուլիս 14-ին «Մոսկուա» կինոթատրոնին մէջ տեղի պիտի ունենայ Ռուբէն Քոչարի «Անունս Վիոլա է» շարժանկարի հայաստանեան առաջին ելոյթը: Շարժանկարի արտադրող Նարինէ Քոչարը «Արմէնփրէս»-ին կը տեղեկացնէ, որ շարժանկարի համաշխարհային առաջին ելոյթը տեղի  ունեցած է մայիսին Քաննի մէջ: Այդ ընթացքին համաձայնութիւններ ձեռք  բերուած են միջազգային տարածման: Այժմ կ’ընթանան համապատասխան պայմանագիրներու կնքման աշխատանքները:

Հոգեբանական խորհրդաւոր տրամայի առանցքին կինն է` իր բարդ ներաշխարհով: Երիտասարդ աղջկան հոգեվիճակը` ազատութեան ձգտման ու աշխարհընկալման ճանապարհին: Շարժանկարի հիմքին սեփական անձի ճանաչողութեան, գեղեցիկը ներքուստ որոնելու ու փախուստէն խուսափելու գաղափարն է:

armenpress.am