Ծառեր տնկել, աղքատներուն գումար բաժնել ու քաղաքէն վերացնել կարմիր գիծերը. սա 7-ամեայ Ռոպերթի ցանկութիւնն է: Ան համոզուած է, որ կրնայ փոխել աշխարհն ու մարդիկ` իր իսկ բացայայտումներով: Այս մասին կը տեղեկացնէ www.a1plus.am կայքը:

Ռոպերթը կ’առանձնանայ իր տարեկիցներէն իւրայատուկ մտածելակերպով ու ունակութիւններով: 4 տարեկանին ան կը կարդար ու գիտէր բազմապատկման աղիւսակը: Այսօր կը լուծէ մաթեմատիկական ու քիմիական խնդիրներ, գրեթէ ամէն ինչ գիտէ աստղագիտութեան, մարդու կառուցուածքի, բնութեան ու կենդանիներու մասին: