«Արմէնփրէս»-ի հաղորդմամբ` հայկական «Մուսկատ»-ը  ճանչցուած է լաւագոյնը 224 տեսակի գինիներու շարքին: Մրցոյթին մասնակցած են աշխարհի 24 երկիրներէ ժամանած պատուիրակութիւններ: 55 միջազգային փորձագէտներ երկու օր շարունակ համտեսած են ներկայացուած գինիները: Համտեսելէ ետք մասնակիցներուն  յանձնուած է 75 մետալ: Ոսկէ մետալ  շնորհուած է 26 գինիի, իսկ արծաթեայ` 49-ին:

Հայկական «Մուսկատ» գինին յաղթող ճանչցուած է` առաջ անցնելով ֆրանսական, աւստրիական, պրազիլական, փորթուկալական գինիներէն:

«Մուսկատ»-ը վարդագոյն, կիսաքաղցր գինի է` պատրաստուած խաղողի Մուսկատ տեսակէն: Գինին օժտուած է տեսակին բնորոշ իւրայատուկ բուրմունքով ու համով: