«Եւրոտեսիլ-2015» երգի միջազգային մրցոյթի հայաստանեան ներկայացուցիչ «Genealogy» խումբի մասնակիցները մեծ նուէր պատրաստած են աշխարհի բոլոր հայերուն համար: Այս մասին կը հաղորդէ Հայաստանի հանրային հեռուստաընկերութեան պաշտօնական կայքը։

Այսօր հայաստանեան ժամանակով 17:00-ին (15:00 CET) «Genealogy» խումբը պիտի ներկայանայ նոր երգով: Խումբի բոլոր անդամները կ՝երգեն հայերէն` բոլոր հայերու միասնութեան, համախմբման, ուժի եւ հայկականութեան մասին:

Երգի անդրանիկ ներկայացումը պիտի կայանայ «Genealogy» խումբի youtube ալիքով:

Յիշեցնենք, որ «Եւրոտեսիլ» երգի մրցոյթի առաջին կիսաեզրափակիչ փուլը պիտի կայանայ Մայիս 19-ին: Հայաստանը ելոյթ պիտի ունենայ 2-րդ համարի տակ: