Ապրիլ 25-ին ՀՀ սփիւռքի նախարար Հրանոյշ Յակոբեան ընդունեց Գանատայի Զօրեան հիմնարկի նախագահ Կրեկ Սարգսեանը:

 Ողջունելով հիւրը` նախարար Հ. Յակոբեան կարեւոր համարեց Զօրեան հիմնարկի գիտական գործունէութիւնը, մասնաւորապէս, անոր ներդրումը Հայոց Ցեղասպանութան վերաբերեալ միջազգային հանրութեան իրազեկման գործընթացին մէջ:

 «Զօրեան» հիմնարկի կատարած գիտակրթական աշխատանքները, բազմազան հրատարակութիւնները կը վկայեն հիմնարկի մեծ ներուժի մասին:  Հիմնարկը հսկայական ջանքեր կը գործադրէ ցեղասպանութեան եւ մարդու իրաւունքներու ճանաչման գործին մէջ գիտնականներու նոր սերունդ պատրաստելու համար:

 Քննարկուեցան Ցեղասպանութեան ճանաչման եւ դատապարտման ուղղութեամբ պատմաբաններու, ցեղասպանագէտներու եւ իրաւագէտներու յետագայ քայլերու մասին հարցեր: