Անգնահատելի է հայկական կրթօճախներու դերը Սփիւռքի մէջ հայ երիտասարդներուն մայրենի լեզուն սորվեցնելու, իրենց ազգային արմատներուն, մշակոյթին, ժողովուրդի պատմութեան հաղորդակից դարձնելու ազգանուէր գործին մէջ: Հայապահպանութիւնը այն մեծագոյն առաքելութիւնն է, որ կամովին ստանձնած են Հայկական սփիւռքի հայասէր ու հայրենասէր գործիչները:

«Հայերն այսօր»-ը կը ներկայացնէ պատառիկներ Ղազախստանի Հանրապետութեան Ասթանա քաղաքի «Վան» հայկական մշակութային կեդրոնին կից գործող կիրակնօրեայ դպրոցի առօրեայէն:

Դպրոցը ունի 2 դասարան` աւագ եւ կրտսեր: Կը դասաւանդուին հայոց լեզու, հայոց պատմութիւն, հայկական մշակոյթ: Կը գործէ պարի խումբ: Ուսուցչուհին Հայաստան Մնէյեանն է, որ ամէն ինչ կ’ընէ` հայ երեխաներուն մէջ սէր ու հետաքրքրութիւն արթնցնելու մայրենի լեզուին եւ հայկական մշակոյթին հանդէպ: