Օգոստոս 29-ին ՀՀ սփիւռքի նախարարութեան մէջ նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն կը մասնակցէին նախարարի տեղակալներ Սերժ Սրապիոնեան եւ Վահագն Մելիքեան, աշխատակազմի ղեկավար Ֆիրդուս Զաքարեան, կառուցուածքային ստորաբաժանումներու, «Հայրենիք-Սփիւռք կեդրոն» ՊՈԱԿ-ի, «Իմ Հայաստան» փառատօնի, «Հայերն այսօր» ելեկտրոնային պարբերականի ղեկավարները:

 Կառուցուածքային ստորաբաժանումներու ղեկավարները ներկայացուցին շաբթուան ընթացքին նախարարութեան ծրագիրներու  ծիրէն ներս կատարուած աշխատանքները:

 Կարեւոր համարուեցան սուրիահայերու հետ տարուող աշխատանքները եւ քննարկուեցան յառաջիկայ ձեռնարկներու կազմակերպման առնչուող հարցեր:

 Նախարար Հրանոյշ Յակոբեան յանձնարարեց պատշաճ կազմակերպել յառաջիկայ ձեռնարկները, մասնաւորապէս` Սուրիահայերու հիմնախնդիրները համակարգող միջգերատեսչական յանձնաժողովի հերթական նիստը, «Իմ Հայաստան» փառատօնի ծիրէն ներս  իրականացուելիք ձեռնարկները, Լրագրողներու համահայկական 8-րդ համաժողովը, այլ ընթացիկ ձեռնարկներ:

Տրուեցան նոր յանձնարարականներ: Նշանակուեցան պատասխանատուներ ու համակարգողներ: