Յուլիս 9-էն Օգոստոս 1 Երեւանի պետական համալսարանին հետ համագործակցութեամբ կազմակերպուեցան դասընթացներ հետեւեալ վեց ուղղութիւններով. Հայոց  լեզուի  արագացուած  ուսուցում, Սփիւռքի  ուսուցիչներու  վերապատրաստման,  Սփիւռքահայ  երիտասարդ  առաջնորդներու, Ազգային երգի ու պարի, Սփիւռքի  լրագրողներու, Սփիւռքի համայնքային գործի կազմակերպիչներու դասընթացներ:

«Սփիւռք» ամառնային դպրոց» ծրագիրը կ’իրականացուի 2012 թուականէն: Աստիճանաբար կը մեծնայ ծրագրին մասնակցիլ փափաքողներու թիւը, դպրոցը կը դառնայ Սփիւռքի մէջ ամենապահանջուած   ծրագիրներէն մէկը:

2015թ. Ամառնային դպրոցին մասնակցեցաւ 216 սփիւռքահայ: