Արցախի Հանրապետութեան Նախագահ Բակօ Սահակեան այցելած է Մեծ Բրիտանիոյ խորհրդարան եւ այնտեղ հանդէս եկած ելոյթով:

Ինչպէս կը տեղեկացնեն Արցախի Հանրապետութեան նախագահի աշխատակազմի տեղեկատուութեան գլխաւոր վարչութենէն, Յուլիս 8-­ին խորհրդարանէն ներս ունեցած իր ելոյթին նախագահը անդրադարձած է Արցախի պետականաշինութեան, սոցիալ­տնտեսական զարգացման, ատրպէյճանա­ղարաբաղեան հակամարտութեան կարգաւորման եւ պատասխանած բարձրացուած հարցերուն:

Սահակեան ընդգծած է, որ Արցախի մէջ Միացեալ Թագաւորութեան հանդէպ կը տածեն յատուկ վերաբերմունք` Մեծ Բրիտանիան դիտարկելով որպէս միջազգային քաղաքականութեան ազդեցիկ տէրութիւն, որ նաեւ ժողովրդավարութեան ու եւրոպական քաղաքակրթութեան բնօրրաններէն մէկն է: Բակօ Սահակեանի բնութագրմամբ` Արցախ շահագրգռուած է խորհրդարանական կապերու խորացման, գիտակրթական եւ մարդասիրական ոլորտներուն մէջ Մեծ Բրիտանիոյ հետ յարաբերութիւններու զարգացման մէջ: Երկրի ղեկավարի խօսքով` նման լաւատեսութիւն առաջին հերթին պայմանաւորուած է Մեծ Բրիտանիոյ խորհրդարանէն ներս Արցախի եւ հայ ժողովուրդի անկեղծ ու հաւատարիմ բարեկամներու առկայութեամբ:

Հանդիպման ներկայ էին Մեծ Բրիտանիոյ եւ Հիւսիսային Իռլանտայի Միացեալ Թագաւորութեան մէջ ՀՀ արտակարգ եւ լիազօր դեսպան Արմէն Սարգսեան, պաշտօնատար այլ անձիք: