ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈՒ

ԿԱՆԱԴԱՅԻ ՀԱՅՈՑ ԹԵՄԻ ԱՌԱՋՆՈՐԴ

ՀՈԳԵՇՆՈՐՀ ՏԵՐ ԱԲԳԱՐ ՎԱՐԴԱՊԵՏ ՀՈՎԱԿԻՄՅԱՆԻՆ             

Հա՛յր Սուրբ,

Իմ ջերմ ողջույններն ու շնորհավորանքներն եմ հղում Ձեզ ծննդյան օրվա առթիվ: Այն յուրօրինակ իրադարձություն է հոգևորականի աստվածահաճո կյանքում, երբ փորձում ես գնահատել ձեռքբերումներն ու նվաճումները, հիշել թերացումներն ու բացթողումները:

Հա՛յր Սուրբ, Ձեր հոգևոր գործունեությունը ամբողջովին պայմանավորված է հայկական սփյուռքով, նրա բազմաթիվ խնդիրներով, հուսադրող և մտահոգիչ գոյակերպով: Ձեր կյանքը նվիրելով Հայ Եկեղեցուն՝ նվաճել եք հավատացյալների սերն ու անմնացորդ նվիրումը:

Ձեր կերպարը ուսանելի օրինակ է Հայ եկեղեցի մուտք գործած նոր հոգևորականների համար, քանի որ Դուք ոչ միայն քարոզում եք, այլ նաև ամբողջ հոգով զգում եք հային հայ պահելու հրամայականը: Հավատացյալները սպասում են և ունեն Ձեր մատուցած պատարագների կարիքը:

Սրտանց մաղթում ենք, որ Ձեր թեմակալ առաջնորդությամբ Հայաստանյայց Առաքելական Սուրբ Եկեղեցու Կանադայի Հայոց թեմն անսասան մնա:

Ուժ ու կորով Ձեզ և երկար տարիների կյանք:

Թող Աստծո Ամենակարող Աջը միշտ հովանի լինի Կանադայի Հայոց թեմին, Ձեզ, Հա՛յր Սուրբ, և Կանադայի մեր հայրենակիցներին:

ՀԱՐԳԱՆՔՈՎ՝

ՀՐԱՆՈՒՇ ՀԱԿՈԲՅԱՆ