«Հայերն այսօր»-ին Բրյուսելի «Առաջընթաց» միության հայկական դպրոցից տեղեկացնում են, որ  աշակերտների  ծնողների  ու դպրոցի տնօրեն Լևոն Մուրադյանի համագործակցությամբ վերջերս տեղի ունեցավ հերթական հանդեսը’ նվիրված Ամանորին:

Մեծ ոգևորությամբ ու խանդավառությամբ աշակերտներն իրենց  մասնակցությունը բերեցին  միջոցառման  նախապատրաստական աշխատանքներին:

Բրյուսելի  հայկական փոքրիկ դպրոցում՝ օտար, բայց հայաշունչ պատերից ներս, հնչեցին նաև մեծն Կոմիտասի երգերից: Դպրոցի բարձր դասարանի սաները ներկայացրեցին Կոմիտասի կյանքն ու գործունեությունը:
Ավելի փոքրերը ներկայացրեցին բեմադրական մի կտոր, որում  խոսվում էր այն մասին, թե իրենց կյանքում ամենից կարևորը ոչ թե համակարգիչն ու  բջջային հեռախոսը պետք է լինեն, այլ՝ շրջապատող աշխարհի գույները, բնությունը, իրենց ընկերները: Անչափ հուզիչ ու տպավորիչ էր դպրոցի ամենափոքր սաների ելույթը: Բոլորին՝ թե՛ մեծերին, թե՛ փոքրերին,  մեծ ուրախություն պատճառեց Ձմեռ պապի մուտքը, ով հանդեսի մասնակիցներին  նվերներ բաժանեց ու բարեմաղթանքներ հղեց ներկաներին: