Մայիսի 27-ին Բելգիայի թագավորության Կորտրիկ քաղաքում  տեղի ունեցավ  խաչքարի բացման եվ օծման արարողություն։Այս մասին «Հայերն այսօր»-ին տեղեկացնում են Կորտրիկի «Նարեկ» մշակութային միությունից:

Խաչքարն օտար ափերում ապրող նոր սերնդի համար ազգային արժեքների պահպանման ոգեկոչման աղբյուր կարող է դառնալ:

Ինչպես իր խոսքում նշեց քաղաքապետ Վինսենթ Վան Քուիկնբորնը` պատահական չէ, որ այս խաչքարը տեղադրված է քաղաքի սրտում գտնվող ամենամեծ եկեղեցու կողքին.այն խորհրդանշում է երկու ժողովուրդների բարեկամությունը:

Կորտրիիկի «Նարեկ» մշակութային միության նախագահ Արտակ Ժամհարյանը հույս է հայտնում, որ այս խաչքարն իր արժանի տեղը կգտնի քաղաքի բազմաթիվ հուշարձանների շարքում և կդառնա տեսարժան վայրերից մեկը: