Ստամբուլում լույս տեսնող «Ակoս» պարբերականը հիմնադրի` Հրանտ Դինքի մահից հետո էլ թերթը շարունակում է նրա սկսած ուղին: Այս մասին գերմանական Deutsche Welle պարբերականին ասել է «Ակօս»-ի ներկայիս գլխավոր խմբագիր Եդվարդ Դանզիկյանը:

«Առաջին օրվանից ի վեր փորձում ենք արժանի լինել Հրանտ Դինքի կողմից ողջ կյանքի ընթացքում հանուն խաղաղության և երկխոսության մղած պայքարին»,- նշել է Դանզիկյանը:

Խմբագիրը հայտնել է, որ թեպետ «Ակօս»-ը շարունակում է գործունեությունը դժվար պայմաններում, սակայն իր լրատվությամբ նպատակ ունի նպաստել հասարակության և պետության կողմից Հրանտի մահվանը հանգեցրած մթին կառույցի հետ առերեսմանը: «Ի վերջո «Ակօս»-ը ոտքի վրա պահողը հայկական համայնքն է: Դրա կողմից տրվող փոքր հայտարարություններով, բաժանորդագրության օգնությամբ էլ աշխատում ենք մնալ ոտքի վրա: Թե՛ Հայաստանի, թե՛ Սփյուռքի հայերը մեզ մոտիկից հետևում են` որպես Թուրքիայում հրատարակվող հայկական թերթ: Անկախ ամեն ինչից` մենք շարունակելու են «լինել հայկական համայնքի ձայնը»,- նշել է Դանզիկյանը: