Ինչպես նշեց Վրաստանի վարչապետ Բիձինա Իվանիշվիլին լրագրողների հետ հանդիպման ժամանակ` Սամցխե-Ջավախքը միակ շրջանն է, որտեղ ըստ նախնական հարցումների Դավիթ Բաքրաձեն հաղթում է Գիորգի Մարգվելաշվիլիին: Բիձինա Իվանիշվիլիի խոսքերով` նա մի քանի օր առաջ այցելել էր Ախալքալաք եւ հանդիպել տեղի բնակչությանը: Ինչպես նշեց նա` Սամցխե- Ջավախքը միակ շրջանն է, որտեղ բնակչության մեծ մասը հայերն են եւ Բաքրաձեն հաղթում է Մարգվելաշվիլիին: Բնակչությունը պիտի կատարի իր ընտրությունը եւ ոչ ոք իրավունք չունի ստիպելու: Նրա խոսքերով իրենք չեն զանգահարում իրենց գործընկերներին կամ Հայաստանի նախագահին, որպեսզի ազդեցություն ունենա բնակչության վրա: Բնակչությանը պետք է տրվի հասկանալու, վերլուծելու եւ ընտրություն կատարելու հնարավորություն: Ըստ նրա` նոր կառավարությունը չպետք է օգտվի այն գործելաոճից, որոնք կիրառվում էին վերջին տարիները ընթացքում:

Գիորգի Մարգվելաշվիլին իր հերթին նշեց, որ մեծ հարգանքով է վերաբերվում հայերին եւ ադրբեջանցիներին եւ համոզված է, որ նրանք էլ ունեն վերլուծելու ու տեսնելու հնարավորություն եւ այստեղ էլ կհաղթահարի ազնվությունը:

Հիշեցնենք, որ Բիձինա Իվանիշվիլին եւ Գիորգի Մարգվելաշվիլին հոկտեմբերի 15-ին այցելել էին Նինոծմինդա , Ախալքալաք եւ Ադիգենի շրջանները, որտեղ նախընտրական քարոզարշավի շրջանակներում հանդիպեցին տեղի բնակչության հետ:

http://akhaltskha.net