Հանրապետութեան նախագահ Արմէն Սարգսեան այսօր հիւրընկալած է Հայաստանի առաջատար շախմատիստ, շախմատի համաշխարհային ողիմպիականի եռակի յաղթող Լեւոն Արոնեանը:

Ինչպէս «Հայերն այսօր»-ին կը յայտնեն ՀՀ նախագահի մամլոյ ծառայութենէն, Լեւոն Արոնեան Հանրապետութեան նախագահին պատմած է յառաջիկայ ծրագիրներու ու մրցաշարերու մասին` նշելով, որ բաւականին յագեցած տարի կը սպասուի:

Նախագահ Սարգսեան, յաջողութիւններ մաղթելով Լեւոն Արոնեանին, մասնաւորապէս ըսած է. «Քո իւրաքանչիւր յաղթանակ հպարտութեան հրաշալի պահեր է պարգեւում մեր ժողովրդին»:

Նախագահը վստահութիւն  յայտնած է, որ յառաջիկային մենք նման պահեր շատ կ’ունենանք: