Երեւանի տարածաշրջանային թիւ մէկ պետական քոլեջի ուսանողները հանդէս  եկած են «Հեքիաթ փոքրիկի համար» նախաձեռնութեամբ: Երիտասարդները կը ներկայացնեն Յովհաննէս Թումանեանի հեքիաթները, եւ ատոնք կը թողարկեն համացանցի վրայ: Քոլեջի Youtube-եան էջին վրայ արդէն հասանելի են Թումանեանի «Անխելք մարդը», «Սուտասանը», «Կիկոսի մահը», «Ոսկու կարասը», «Պոչատ աղուէսը», «Բարեկենդանը», «Ծիտը», «Խելօքն ու յիմարը» հեքիաթները: Համացանցային ռատիօհաղորդումը կ՛աւարտէ մանկական երգերու ոսկէ ֆոնտէն ընտրուած որեւէ օրօրոցայինով, կը գրէ hayeli.am-ը:

Նախագիծի խորհրդատուն եւ արտադրողը քոլեջի տնօրէն Պարոյր Սանթրոսեանն է: Հաղորդման խմբագիրն է քոլեջի բեմադրութեան բաժինի երրորդ շրջանի ուսանող Սոնա Սարիբէկեանը: Ձայնագրութիւնն ու ժապաւէնի սարքաւորումը կ՛ապահովէ քոլեջի նոյն բաժինի, նոյն շրջանի ուսանող Ժաննա Քոչարեանը: Իսկ հեքիաթները կը կարդան քոլեջի դերասանական արուեստ բաժինի երրորդ շրջանի ուսանողներ Ռաֆֆի Մազմանեանը, Ատա Կլեկչեանը, Արտեոմ Մելքոնեանը, Մերի Սիմոնեանը, ինչպէս նաեւ Ժաննա Քոչարեանն ու Սոնա Սարիբէկեանը:

Ստորեւ կը ներկայացնենք հեքիաթները`