Կազմակերպութեամբ Համազգայինի Այնճարի «Պ. Սեւակ» մասնաճիւղին, 1 Դեկտեմբերի երեկոյեան ժամը 7:00-ին «Սարգիս Զէյթլեան» կեդրոնի «Մովսէս Տէր Գալուստեան» սրահին մէջ տեղի ունեցաւ յուշ երեկոյ` նուիրուած Շարլ Ազնաւուրի:

Ներկաները յոտնկայս մէկ վայրկեան լռութեամբ յարգեցին աշխարհահռչակ երգիչին լոյս յիշատակը:

Դոկտ. Թամար Յովհաննիսեան ներկայացուց Շարլ Ազնաւուրի կեանքին եւ ստեղծագործութեան վերաբերող կարեւոր, հետաքրքրական փաստերը: Անկէ լեցուն սրահը մեծ ոգեւորութեամբ լսեց Շարլ Ազնաւուրի համերգը տեսերիզով: Այդպիսով նաեւ Այնճարը վկայ է, որ անմահ է Շարլ Ազնաւուրի յիշատակը: