Հայ օգնութեան ֆոնտի (ՀՕՖ) «Այո» հարթակի այս տարուան ամանորեայ ծրագիրը անակնկալներ   պատրաստելն էր Լեռնային Ղարաբաղի երեխաներուն համար: Այս մասին «Արմէնփրէս»­-ին տեղեկացուցին ՀՕՖ­ հայաստանեան գրասենեակէն:

«Նուէրներ երեխաներուն» ծրագիրի ծիրէն ներս Երեւանի 6 դպրոցներու (Այբ, Մակսեդան, Լեւ Տոլստոյի անուան128 դպրոց, Մ. Մաշտոցի անուան թիւ 2 դպրոց, Արեգնազան եւ Հ. Կոջոյեանի անուան գեղարուեստի դպրոց) 600 աշակերտներ տուփերու մէջ նուէրներ  պատրաստած էին ԼՂՀ­ի Հադրութի շրջանի 1-­ին, 2-­րդ եւ 3-­րդ դասարանցիներուն համար: Նուէրներէն բացի իւրաքանչիւր երեխայ նամակ  տեղադրած էր իր պատրաստած տուփին մէջ: «Այո» տուփերուն աւելցած էր ձմեռնային գլխարկ, ձեռնոց եւ գուլպայ:

Մօտ մէկ ամիս տեւած աշխոյժ դրամահաւաքին շնորհիւ թէ՛ Հայաստանի մէջ, թէ՛ Հայաստանի սահմաններէն դուրս գտնուող բազում մարդիկ օգնած են հաւաքագրել 2919 տոլար` այս ամանորեայ հեքիաթը մանուկներուն համար իրականութիւն դարձնելու համար:

Հայաստանի մէջ դրամաhաւաքի համար կամզակերպուած են զանազան տօնական ձեռնարկներ, որոնցմէ էին` Հանրապետութեան հրապարակի մեթրոյի կայարանին մէջ երաժշտական համերգ եւ տօնածառի ձեռագործ խաղալիքներու վաճառք:

«Այո»-­ն նաեւ մասնակցած է «Լոֆտ» եւ «էոն» սրճարաններուն մէջ  տեղի ունեցած ամանորեայ տօնավաճառներուն, որուն արդիւքնով կրցած է հաւաքագրել մօտ 95 հազար դրամ: Նշենք, որ վաճառքի հանուած ձեռագործ աշխատանքները ստեղծուած էին «Այո»­-ի կամաւորներու անդադար աշխատանքներու եւ օգնութեան շնորհիւ:

Բոլորի մասնակցութեան շնորհիւ 1800 երեխայ ձեռք բերած են ամանորեայ նուէրներ, տաքուկ ձմեռնային պարագաներ ու լաւ ընկերներ: