Հայոց ցեղասպանութեան 100­-րդ տարելիցին ընդառաջ Թուրքիոյ նախագահը կը փորձէ իր ժխտողական քաղաքականութիւնը աշխարհին հասու դարձնել տարբեր ցուցադրութիւններու միջոցով: Այս անգամ ալ Ռեճէպ Թայիպ Էրտողան որոշած է նախագահական իր նստավայրին մէջ հանդիպիլ թուրք պատմաբաններու եւ ակադեմիկոսներու հետ` իբր քննարկելու «1915 թուականի դէպքերը»:

Այս մասին ինչպէս կը հաղորդէ «Արմէնփրէս»­-ը, ըստ թրքական aktifmedya.com­-ը: Լրատուականը կը յայտնէ, որ Ապրիլ 21-­ին կայանալիք հանդիպման Էրտողան հայկական հարցով զբաղող եւ հետաքրքրուող    մասնագէտներու
հետ պիտի քննարկէ 1915­-ին տեղի ունեցած իրադարձութիւնները: Կը նշուի նաեւ, որ Թուրքիոյ նախագահը նպատակ ունի այս հարցով զբաղող աշխատանքային խումբ ստեղծել: