100 հայեր, որոնք փոխեցին աշխարհը

100 տարի առաջ հայ ժողովուրդին օգնութեան ձեռք մեկնած մարդոց խիզախութեան շնորհիւ փրկուածներէն շատերը ու անոնց սերունդները իրենց մէջ ուժ գտան առաջ շարժելու եւ նկատելի հետք  ձգեցին աշխարհի մէջ: Անցած 100 տարուան ընթացքին հայերը բազում եւ բազմազան ծառայութիւններ  մատուցած են մարդկութեան: Ահա
մեծանուն հայերու ընդամէնը  քանի մը անուն, որոնք իրենց նուաճումներով պարտական են նաեւ այն անհատներու բարի կամքին, որոնք մէկ դար առաջ ստանձնեցին հայ ազգի փրկարարի առաքելութիւնը:

Հետեւէ՛ք մեզի: Յառաջիկային դեռ շատերը կան, կը գրէ 100lives.com-ը:

20. ՇԱՌԼ ԱԶՆԱՒՈՒՐ. ԵՐԳԻՉ, ԴԵՐԱՍԱՆ, ԲԱՐԵԳՈՐԾ

Բեմի վրայ  աւելի քան 60 տարի, անցած դարու ֆրանսական ամենաանմոռաց շատ երգերու հեղինակն է, կը համարուի ֆրանսական շանսոնի դասականներէն մէկը:

19. ՇԵՐ. ԱՍՏՂ, ԲԱՐԵԳՈՐԾ, ՄԱՐԴՈՒ ԻՐԱՒՈՒՆՔՆԵՐՈՒ ԳՈՐԾԻՉ

Ան բոլոր ժամանակներու ձայնագրութիւններու ամենամեծաքանակ վաճառք ունեցած կատարողներէն է, սակայն ատկէ բացի եղած է արտադրող աստղ, հեռուստատեսութեան եւ սինեմայի դերասան:

18. ՔԸՐՔ ՔԸՐՔՈՐԵԱՆ. ՆԵՐԴՐՈՂ, ԲԱՐԵԳՈՐԾ, ԽԱՂԱՏՈՒՆԵՐՈՒ ՀՍԿԱՅ

Ան աշխարհի խոշորագոյն հիւրանոցներու կառուցողներէն է: Անոր կը  վերագրեն Լաս Վէկասի զարգացման եւ խաղատուուներն ու հիւրանոցները իրենց ներկայիս կարգավիճակին հասցնելու պատիւը:

17. ՏԱՐՕՆ ԱՃԵՄՕՂԼՈՒ. ՏՆՏԵՍԱԳԷՏ

Ան մեր ժամանակներու ամենահռչակաւոր տնտեսագէտներէն է, պարգեւատրուած է հեղինակաւոր Ճոն Պէյթս Քլարքի շքանշանով:

16. ՏԷՅՎԻՏ ԻԳՆԱՏԻՈՒՍ. ԼՐԱԳՐՈՂ, ԳՐՈՂ

Ան The Washington Post օրաթերթի նշանաւոր լրագրող, մասնագիտացած է միջազգային յարաբերութիւններու ասպարէզին մէջ:

15. ՓԱԹՐԻԿ ԴԵՒԵՃԵԱՆ. ՔԱՂԱՔԱԿԱՆ ԳՈՐԾԻՉ

Ան ֆրանսական քաղաքականութեան գործիչ է, գլխաւորած է ընտրովի եւ նշանակովի  շարք մը պաշտօններ` քաղաքապետէն մինչեւ պատգամաւոր ու նախարար:

14. ԱՐՏՕ ԹՈՒՆՋՊՈՅԱՃԵԱՆ. ԵՐԱԺԻՇՏ, ԵՐԳԱՀԱՆ

ԱՆ հիմնած է Armenian Navy Band համոյթը, որ միահիւսելով հայկական եւ ժամանակակից գործիքները` կը ստեղծէ իր նմանը չունեցող հնչողութիւն:

13. ՀԻՒԶ ԵՂԲԱՅՐՆԵՐ. ԲԵՄԱԴՐԻՉՆԵՐ, ԱՐՏԱԴՐՈՂՆԵՐ, ՍԵՆԱՐԻՍՏՆԵՐ

Ալէն եւ Ալպերթ երկուորեակ բեմադրիչներ են: Անոնց ֆիլմերը կը կեդրոնանան ամերիկեան սեւամորթներու կեանքի փորձութիւններու ուղղակի եւ անմիջական պատկերման վրայ:

12. ՍԻՒ ՍԱՐԱՖԵԱՆ ՃԵԼ. ՍՊԱՅ

ԱՄՆ Կանանց օժանդակ բանակային մարմինի երեւելի անդամներէն մէկը, զգալի դեր ունեցած է դէպի զինուած ուժեր կանանց ուղին հարթելու գործին մէջ:

11. ՔԱՐԼԱ ԿԱՐԱՊԵՏԵԱՆ. ԼՐԱԳՐՈՂ, ՎԱՒԵՐԱԳՐՈՂ ԲԵՄԱԴՐԻՉ

Իր  վաւերագրական ֆիլմերուն մէջ անդրադարձած է համաշխարհային հրատապ խնդիրներուն: Հայոց ցեղասպանութեան մասին նկարահանած է «Ճչացողներ» (“Screamers”) ֆիլմը` System of a Down ռոք-խումբի մասնակցութեամբ:

10. ՎԻԼԵԱՄ ՍԱՐՈՅԵԱՆ. ԱՐՁԱԿԱԳԻՐ

Հրապարակած է բազում վէպեր, պատմուածքներ եւ գրութիւններ, ինչպէս նաեւ` «Իմ սիրտը լեռներուն մէջ», «Մարդկային կատակերգութիւն», «Խիզախ պատանին թռչող ճօճաձողի վրայ», «Իմ անունը Արամ է», «Կեանքիդ ժամանակը»:

9. ՏԻԳՐԱՆ ՊԵՏՐՈՍԵԱՆ. ԳՐՈՍՄԱՅՍՏԸՐ

Վեց տարի շարունակ պահպանած է ճատրակի աշխարհի ախոյեանի տիտղոսը:

8. ՃՈՐՃ ԴՈՔՄԷՃԵԱՆ. ՔԱԼԻՖՈՐՆԻՈՅ ՆԱԽԿԻՆ ՆԱՀԱՆԳԱՊԵՏ

Քալիֆորնիոյ նահանգապետ, փոխնախագահութեան հնարաւոր թեկնածու եւ մեկուսացման  դէմ պայքարի ջատագով եւ աջակից:

7. ՎԻԿՏՈՐ ՀԱՄԲԱՐՁՈՒՄԵԱՆ. ՏԵՍԱԿԱՆ ԱՍՏՂԱԲՆԱԳԷՏ

Աստղաբնագիտութեան ոլորտին մէջ բազմաթիւ յայտնագործութիւններ եւ աստղագիտական հետազօտութիւններու կարեւոր կեդրոն Բիւրականի աստղադիտարանի հիմնադիր:

6. ՍԵՐԺ ԹԱՆԿԵԱՆ. ԵՐԳԻՉ-ԵՐԳԱՀԱՆ ԵՒ ՔԱՂԱՔԱԿԱՆ ԳՈՐԾԻՉ

System of a Down ռոք խումբի համաշխարհային համբաւը Թանկեան ուղղած է Հայոց ցեղասպանութեան ճանաչման պայքարին:

5. ԵՈՒՍՈՒՖ ՔԱՐՇ. ԼՈՒՍԱՆԿԱՐԻՉ

Ճանչցուած է Չերչիլի, Հեմինկուէյի, Էյնշթէյնի, Մայր Թերեզայի, Ուոլթ Տիսնէյի, Օտրի Հեփպըրնի, Մուհամմետ Ալիի, Ֆիտել Գասթրոյի եւ շատ ուրիշներու դիմանկարներով: Հրապարակած է իր գործերու  քանի մը ալպոմ:

4. ԱՐԱՄ ԽԱՉԱՏՐԵԱՆ. ԵՐԱԺՇՏԱՀԱՆ

Անոր մեծ ճանաչում բերած առաջին գործը «Դաշնամուրի կոնսերթ»ն  է (1936թ.):  Հռչակաւոր գործերէն են «Սուսերով պարը», «Սպարտակ» եւ «Գայեանէ» պալեները: «Գայեանէ» պալէի  շարք մը հատուածներ օգտագործուած են Ստէնլի Գուպրիկի «2001. տիեզերական ոդիսական» ֆիլմին մէջ:

3. ԱԲՐԱՀԱՄ ԵՒ ԱՐՏԷՄ ԱԼԻԽԱՆԵԱՆ ԵՂԲԱՅՐՆԵՐ. ՄԻՋՈՒԿԱՅԻՆ ԲՆԱԳԷՏՆԵՐ

Անոնք երկու եղբայրներով հիմնած են Հայաստանի գիտութիւններու ակատեմիան:

2. ԱՆՆԱ ՔԱԶԱՆՃԵԱՆ ԼՈՆԿՈՊԱՐՏՕ. ՃԱՐՏԱՐԱԳԷՏ

Եղած է Քոլումպիոյ համալսարանի մեքենաշինութեան գիծով գիտութիւններու պաքալաւրի կոչում ստացած առաջին կինը, Կին ճարտարագէտներու ընկերակցութեան առաջին  արտօնեալ ուսանող-անդամը, Իկլսթօնի մետալով (Egleston Medal) պարգեւատրուած առաջին կինը:

1. ՏԷՅՄ ՍԱՅԵԱՆ ՍՐԲՈՒՀԻ ԻԼԱՅԱՍ.ՆՈՐ ԶԵԼԱՆՏԻՈՅ ԳԵՐԱԳՈՅՆ ԴԱՏԱՒՈՐ

Նոր Զելանտիոյ առաջին կին Գերագոյն դատաւորը

Scroll Up