Ռոպերթօ Գարլոս Երեւանի մէջ անձամբ կը շնորհաւորէ Խորէն Յովհաննիսեանը

Ֆութպոլի Պրազիլիոյ ազգային հաւաքականի նախկին պաշտպան Ռոպերթօ Գարլոս շնորհաւորական ուղերձ  յղած է Խորէն Յովհաննիսեանի ծննդեան 60­ամեայ տարեդարձին առիթով:

«Շաբաթ օրը կը կայանայ մեծ տօն, մեծ տօնախմբութիւն: Կը յուսամ` տեսնուինք այդ մեծ իրադարձութեան: Շաբաթ օրը կ’ըլլանք Երեւան: Շնորհաւո’ր, Խորէն Յովհաննիսեան»,­ «Արմէնփրէս»­ի հաղորդմամբ` ըսուած է յայտնի պաշտպանի ուղերձին մէջ:

Մարտ 28-­ին Երեւանի մէջ տեղի կ’ունենայ հայկական ֆութպոլի հեղինակաւոր ներկայացուցիչ Խորէն Յովհաննիսեանի 60-­ամեակին նուիրուած ընկերական խաղ ԽՍՀՄ եւ աշխարհի հաւաքականներու միջեւ: Աշխարհի հաւաքականի կազմին մէջ հանդիպման կը մասնակցի նաեւ յայտնի պաշտպան Ռոպերթօ Գարլոսը:

Scroll Up