«Զուարթնոց» երգչախումբի զուարթ եւ շէնշող ելոյթը

Համազգայինի Սուրիոյ Շրջ․ Վարչութեան «Զուարթնոց» երգչախումբը ակամայ ընդմիջումէ մը ետք Կիրակի, 8 Մարտ 2015ին, վերստին բեմ բարձրացաւ խմբավարութեամբ Յարութիւն Ալապոզանեանի, դաշնամուրի ընկերակցութեամբ Ռուզան Պարսումեանի:

Երկու արարներով երգչախումբը հալէպահայ արուեստասէր հանրութեան ներկայացուց՝ աշուղական, սիրային եւ հայրենասիրական ճոխ երգացանկ մը:

Հետաքրքական էին յայտագրին մէջ տեղ գտած՝ մեներգները, զուգերգները եւ թատերական ու պարային հաճելի մէջբերումները, որոնք յաւելեալ փայլք տուին երգչախմբային երգեցողութեան:

Scroll Up