«Գանձասար» կը հաղորդէ, որ երկուշաբթի, 22 դեկտեմբեր 2014-ին, Հալէպի Ս. Աստուածածին եկեղեցւոյ ժողովասրահին մէջ գումարուեցաւ Հայոց ցեղասպանութեան 100-ամեակի սուրիահայութեան կեդրոնական մարմինի խորհրդակցական նիստը` մասնակցութեամբ սուրիահայ երեք համայնքապետներուն, հայկական կազմակերպութիւններու եւ միութիւններու ներկայացուցիչներուն:

Նիստի ընթացքին ընթերցուեցաւ եւ քննարկուեցաւ Հայոց ցեղասպանութեան 100-ամեակի համահայկական հռչակագիրին նախագիծը, որ նախատեսուած է յայտարարել յունուար 2015-ին, Երեւանի մէջ տեղի ունենալիք Հայոց ցեղասպանութեան 100-ամեակի միջոցառումները համակարգող պետական յանձնաժողովի հինգերորդ նիստին:

Քննարկումը պիտի շարունակուի Կեդրոնական մարմինի յառաջիկայ նիստին ընթացքին: