Տան Մէջ Ընտանիքիս Հետ Հայերէն կը Խօսիմ. Իզապէլ Տիկնիկզեան

«Հայերն Այսօր»-ը նախապէս տեղեկացուցած էր, որ Շուէտի պատմութեան մէջ առաջին անգամ ըլլալով, ընտրուած էր օտար ծագումով (ոչ շուէտացի) Խորհրդարանի փոխնախագահ՝ իրաքահայ Իզապէլ Տիկնիկզեան, իբրեւ խորհրդարանի փոխնախագահ։

Տինկիզեան ծնած է 1962 թ., սակայն մեծցած է Շուէտի հարաւը գտնուող, Մալմօ քաղաքին մէջ, յաճախած է HödertöS gskolaörns համալսարանի Ethnology (Ազգախօսութիւն) բաժանմունքը: Քանի մը տարի զբաղած է երեխաներ խնամելով, աւելի ուշ որոշած է զբաղիլ քաղաքականութեամբ, անդամակցած է «Բնապահպանութիւն» կուսակցութեան:


Ստորեւ կը ներկայացնենք Ալ-Քոմբիս շուէտական կայքի հարցազրոյցը Տինկիզեանի հետ:

Պատմեցէք խնդրեմ ինչպէ՞ս գաղթած էք Շուէտ.

Հօրս աշխատանքին պատճառով տեղափոխուեցանք Շուէտ, Պաղտատի մէջ հայրս կ’աշխատէր շուէտական ընկերութեան մը մէջ, առաջարկ ստացաւ աշխատելու Շուէտի մէջ, լաւ կը տիրապետէր անգլերէն լեզուին, հետեւաբար կ’աշխատէր Շուէտի եւ Մերձաւոր Արեւելքի երկիրներու հետ, իբրեւ միջնորդ ինքնաշարժներու ընկերութեան մը մէջ: 1965 թուականին ընտանեօք գաղթեցինք Շուէտ:

Երբ սկսաք զբաղիլ քաղաքականութեամբ.

Ես մեծցած եմ Մալմօ քաղաքին մէջ , այնտեղ չէի զբաղեր քաղաքականութեամբ, 1989 թ. մայրաքաղաք Սթոքհոլմ փոխադրուեցայ աշխատելու, 1998թ. Botkyrka քաղաքի քաղաքապետարանի խորհուրդի անդամ ըլլալէն ետք, 2006թ. կուսակցութեան կողմէն առաջադրուեցայ խորհրդարանական ընտրութիւններուն, քուէարկութեան արդիւնքով, ընտրուեցայ Խորհրդարանի անդամ:

Ինչո՞ւ որոշեցիք զբաղիլ քաղաքականութեամբ.

Ես միշտ ձեւով մը եղած եմ ըմբոստ, չեմ ընդունած անարդարութիւնը, իմ ընտանիքէս ներս յայտնաբերած էի տղու եւ աղջկայ միջեւ խտրականութիւնը, յետոյ հասարակութեան մէջ եւ ամբողջ աշխարհի մէջ: Մի մոռնաք, որ մինչեւ հիմա կանայք չեն ստանար նոյն աշխատավարձը, որ կը ստանան տղամարդիկ:

Առկայ խտրականութէն բացի մաշկի գոյնի, Շուէտի մէջ շուէտական անուն չկրողներուն դէմ, անկախ անկէ, թէ մարդը կը խօսի Շուէտերէն շատ լաւ, կամ ունի բարձր աստիճանի վկայական, կամ չունի:

Ես կ’ուզեմ պայքարիլ մեր հասարակութեան մէջ առկայ բոլոր տեսակի անարդարութիւններու եւ խտրականութեան եւ աշխատիլ ստեղծել աւելի գեղեցիկ կեանքի հնարաւորութիւն:

Ո՞րն է Ձեր յաջողութեան գաղտնիքը.

Ես կրնամ ըսել, որ դժուար եւ ջանասէր աշխատանքն է. Վերջին 12 տարիները նուիրած եմ քաղաքականութեան. տասներկու տարի աշխատած եմ առանց ընդհատումներու: Ես չեմ դադրիր աշխատելէ նոյնիսկ տան մէջ:
Կան նաեւ այլ պատճառներ, օրինակ, քաղաքական գործիչը պէտք է համբերատար ըլլայ, եւ ձգտում ունենայ յաղթելու, եւ չհրաժարի իր երազանքներէն: Կը կարծեմ, որ այդ հարցի մէջ դեր ունի տուեալ անձի համբաւը, անոր ընկերային յարաբերութիւնները, կուսակցութեան կողմէն ընդունուած ըլլալը եւ զինք առաջադրող կուսակցութեան զօրաւոր աջակցութիւնը .


Արդեօք Բնապահպանութիւն կուսակցութիւնը ինք որոշեց ձեզ եւ միւս թեկնածուները առաջադրել այս պաշտօնին:

Անձամբ ես կը կարծեմ, որ կուսակցութիւնը կարեւորեց օտար արմատներ ունեցող մէկը ներկայացնելու հարցը, նաեւ չմոռնանք քաղաքականութեան մէջ ունեցած փորձառութիւնս, որ նոյնպէս ազդեց ընտրութեան, քանի որ այդ հարցի մէջ առաւելապէս մեծ դեր ունի է փորձառութիւնը, քան քաղաքականութեան տեսական ուսումնասիրութիւնը:

Ես կը կարծեմ, որ կան շարք մը այլ գործօններ, այս պաշտօնին ընտրուելուս, քանի որ կուսակցութեան անդամներու մեծամասնութիւնը, նոր մտած են դատախազութեան խորհուրդ, մինչդեռ ես եւ Կանաչներ կուսակցութեան երեք անդամները 8 տարուան փորձառութիւն ունինք խորհրդարանին մէջ, (երկու յաջորդական խորհրդարանական յանձնաժողովներ), եւ իմ գիտելիքներս այդ ուղղութեամբ շատ լաւ են.

Ի՞նչ կ’ըսէք, անոնց` ովքեր օտար արմատներ ունին, եւ կը ցանկան զբաղիլ շուէտական քաղաքականութեամբ.

Կ’ըսեմ, հակառակ հասարակութեան մէջ տիրող ծանր խտրականութեան, կայ քաղաքականութեամբ զբաղելու հնարաւորութիւն, Նոյն ինքը` անձը պէտք է հասկնայ հասարակութեան կառուցուածքը եւ օրէնքները, որոնք կը ղեկավարեն երկիրը: Մարդ չի կրնար նստիլ տունը եւ ըսել, որ կ’ենթարկուի ռասայական խտրականութեան, պէտք է մեզմէ իւրաքանչիւրը պատասխանատւութեան զգացում ունենայ. Ես շատ հպարտ եմ իմ կուսակցութիւնովս, քանի որ օգտուեցաւ այն առիթէն, որ Խորհրդարանի անդամ եմ եւ զիս առաջադրեց այս պաշտօնին:


Ինչպէ՞ս կը գնահատէք այն միջավայրը, որ Բնապահպանութիւն կուսակցութիւնը եւ Սոցիալ-Դեմոկրատական կուսակցութիւնը կը ձեւաւորեն կառավարութիւնը:

Հրաշալի զգացում է եւ շատ գեղեցիկ, որ չի բացատրուիր. մեծ բան է ըլլալ խորհրդարանի մէջ, միեւնոյն ժամանակ՝ այն կուսակցութիւնը, որուն կը պատկանիմ մտնէ կառավարութիւն: Յոյսով եմ, որ ամէն ինչ լաւ կ’ընթանայ, յաջորդ քուէարկութեան գործընթացին ժամանակ (նկատի ունի պիւտճէի քուէարկութիւնը).

Ձեր ընտանիք երկար ժամանակ է, որ Շուէտ տեղափոխուած է, տան մէջ ի՞նչ լեզուով կը խօսիք.

Երբ Իրաքէն գաղթեցինք երեխաներ էինք, եւ հնարաւոր չէր մեզի համար սորվիլ արաբերէն, տան մէջ ընտանիքիս հետ հայերէն կը խօսիմ.

Ծնողներս արաբերէնը կ’օգտագործէին, երբ ուզէին բան մը խօսիլ որ մենք չհասկնանք՝ անիկա իրենց գաղտնի խօսակցութիւններու լեզուն է, այդ իսկ պատճառով ինծի համար հետաքրքրական էր սորվիլ արաբերէն լեզուն, եւ ես խնդրեցի արաբ ընկերներէս, որ արաբերէն սորվեցնեն ինծի, հիմա շատ լաւ կը հասկնամ, բայց պէտք է աւելի խօսիմ, որ կարենամ կատարելագործել զայն:

Scroll Up