«Արի Տուն-2014». Վերադարձ Ինքնութեան.Տիգրանակերտցիները Կը Պարեն

Օգոստոս 4-ին մեկնարկած ՀՀ սփիւռքի նախարարութեան հայրենաճանաչութեան «Արի տուն-2014» ծրագիրի 6-րդ փուլի մասնակիցներն արդէն հասցուցած են այցելել Հայաստանի պատմամշակութային յուշարձաններ, տեսարժան վայրեր: Հերթական կանգառը Գեղարդավանքն էր, ուր  աշխարհի 15 երկրէ ժամանած մեր հայրենակիցները եղան օգոստոս 6-ին:

Ինչպէս արդէն տեղեկացուցած ենք,  6-րդ փուլին կը մասնակցին նաեւ Տիարպեքիր վերանուանուած Տիգրանակերտէն  ժամանած իսլամացած հայեր, որոնց այցը Հայաստան, ինչպէս նշած էր ՀՀ սփիւռքի նախարարի տեղակալ Սերժ Սրապիոնեան, հայկական իրականութիւնը ճանչնալու ամենաճիշտ եւ ամենաուղիղ ճանապարհն է:

Հայոց ցեղասպանութենէն մազապուրծ հայերը, որոնք մնալով Արեւմտեան Հայաստանի մէջ կորսնցուցած են իրենց անունն ու ազգանունը, կրօնը, այսօր անոնց զաւակները կը փորձեն  վերադառնալ սեփական արմատներուն, վերագտնելու ազգային ինքնութիւնը:

 Աննկարագրելի էր Գեղարդ  հասնելուն պէս անոնց ոգեւորութիւնը, երբ Գեղարդավանք տանող ճանապարհին կանգնած նուագածուները   հնչեցուցին  հայկական պարեղանակ: Առանց վարանելու շրջան կազմեցին տիգրանակերտցիները եւ թնդաց հայոց քոչարին: Հիացմունք, յուզմունք, ոգեւորութիւն կար բոլորի աչքերուն մէջ:

Մասնակիցները  շնորհակալ են ՀՀ սփիւռքի նախարարութեան նման հնարաւորութիւն ընձեռելու համար:

Scroll Up