«Իմ Հայաստան» Համահայկական 2-րդ Փառատօնի Մասնակիցները` Արարատի Մարզին Մէջ

Յուլիս  9-ին  «Իմ  Հայաստան»  համահայկական  2-րդ  փառատօնի մասնակիցները մեկնեցան  Արարատի մարզ:

Անոնք նախ  բարձրացան  Խոր Վիրապ`  ծանօթանալու  հայ նուիրական սրբավայրի  պատմութեան: Պարախումբերը,  հիացած  եկեղեցւոյ գեղեցիկ ճարտարապետութեամբ, մոմ  վառեցին, լուսանկարուեցան  եւ բացայայտեցին  նոր, զարմանահրաշ  երեւոյթ մը,  որ, թերեւս,  ամենատպաւորիչն  էր իրենց համար:

Այնուհետեւ  խումբերը  մեկնեցան  Արտաշատի  մշակոյթի  տուն, ուր իրենց դիմաւորեցին  Արտաշատի  «Նաւասարդ»  պարային  համոյթի  փոքրիկները իրենց  «Հայաստան»  պարով:

Արտաշատի մշակոյթի տան մէջ ելոյթ  ունեցան Ուքրանիոյ «Արմէնիա», Վրաստանի «ֆանտազիա», Գրասնոտարի «Նարեկ», Պեատիգորսկի «Անի»,  Պսկովի «Փայլեր» համոյթները:

«Իմ  Հայաստան»  համահայկական  փառատօնի այցը  Արարատի մարզ  աւարտեց ճաշկերոյթով`  Արտաշատի մէջ:

Scroll Up