Պուէնոս Այրէսի Մէջ Հայոց Ցեղասպանութեան Թանգարանի Կառուցումը Ցեղասպանութիւններու Մերժման Եւ Դատապարտման Իւրայատուկ Ձեւ Է

Աշխարհի խոշորագոյն մայրաքաղաքներուն մէջ Հայոց ցեղասպանութեան թանգարաններու բացումը պէտք է ըլլայ պետութեան օրակարգային խնդիրներէն մէկն ու յառաջիկայ տասնամեակի ռազմավարութիւնը: Տեսակէտը ՀՀ գիտութիւններու ազգային ակադեմիոյ Հայոց ցեղասպանութեան թանգարան- հիմնարկի տնօրէն Հայկ Դեմոյանինն է: «Արմէնփրէս»-ի հետ զրոյցին  Հայկ Դեմոյեան ըսաւ, որ նման հաստատութիւները պարտադիր են ոչ միայն հայ ժողովուրդին, այլեւ միջազգային հանրութեան համար:

«Յաջորդ տասնամեակում աշխարհի խոշորագոյն մայրաքաղաքներում Հայոց ցեղասպանութեան թանգարանների բացումը պէտք է լինի առաջնային եւ նախընտրելի ռազմավարական ուղղութիւն»,- ըսաւ Դեմոյեան` աւելցնելով, որ նմանատիպ թանգարաններու գլխաւոր նպատակը պիտի ըլլայ բարձրացնելու իրազեկուածութիւնը հասարակութեան մօտ:  «Նաեւ դաստիարակիչ առաքելութիւն կ’ունենայ յատկապէս երիտասարդութեան շրջանում, քանի որ թանգարաններ այցելութիւնը կը լինի նաեւ դպրոցականների ծրագրում եւ կ’ունենայ մեծ դերակատարում ոչ միայն ցեղասպանութիւնների մասին իրազեկման, այլեւ դրանց մերժման եւ դատապարտման գործում»,- ըսաւ Դեմոյեան:

Նմանատիպ թանգարաններէն մէկուն կառուցումն ալ կը սկսի մօտ օրերուն Պուէնոս Այրէսի մէջ: Պուէնոս Այրէսի քաղաքապետարանը արդէն պաշտօնապէս յայտարարած է տարածքի տրամադրման մասին: Թանգարանի հիմնարկէքի արարողութեան հնարաւոր է նաեւ ՀՀ նախագահ Սերժ Սարգսեանի մասնակցութիւնը:

Պուէնոս Այրէսի քաղաքապետարանի աշխատակազմի ղեկավար Օրասիոյ Ռոդրիգես Լարետայի գնահատմամբ, Արժանթինի  մայրաքաղաքին մէջ Հայոց ցեղասպանութեան թանգարանի բացումը տեսակ մը երաշխաւորութիւն է, որ մարդկութիւնը այլեւս չի դիմեր ցեղասպանութիւններու, ինչպէս եղաւ 100 տարի առաջ հայ ժողովուրդին հետ:

Այս մասին ինչպէս կը հաղորդէ «Արմէնփրէս»-ը` վկայակոչելով Prensa Armena-ն, ըստ Լարետայի` սա նաեւ ցեղասպանութիւններու մերժման եւ դատապարտման իւրայատուկ ձեւ է, որով պէտք է աշխարհին ստիպել ճանչնալ կատարուած բոլոր ցեղասպանութիւններն ու պատժել իրականացնողները: Մարդու իրաւունքներու եւ մշակութային բազմազանութեան հարցերով փոխքարտուղար Քլաուտիոյ Աւրուխի խօսքով` Հայոց ցեղասպանութիւնը 20-րդ դարու առաջին Ցեղասպանութիւնն էր, որու չդապարատումը հիմք դրաւ յետագայ ոճրագործութիւններուն եւ մարդկութեան դեմ ուղղուած յանցագործութիւններու կատարման: «Հայոց ցեղասպանութիւնը, Հոլոքոստը, Ռուանտան եւ մնացած բոլոր ցեղասպանութիւնները հիմնուած  եղած են դաժանութեան եւ ատելութեան վրայ: Մարդկութեան դէմ յանցանք հնարաւոր է իրականացնել միայն ատելութեան եւ չարութեան միջոցով: Մենք պէտք է պայքարինք այդ ատելութեան դէմ:

Ցեղասպանութեան փաստերու ընդունումը թոյլ կու տայ ապագային խուսափելու նման ոճրագործութիւններէ եւ մեր հայեացքն ուղղելու դէպի լաւ գործերն ու աւելի հանդուրժող հասարակութիւններ»,- ըսած է Աւրուխը` աւելցնելով, որ Հայոց ցեղասպանութեան թանգարանը արժանթինցի հասարակութեան մէկ մասն ալ է եւ կը պատկանի ոչ միայն հայ, այլեւ արժանթինցի ժողովուրդին:

Հայոց ցեղասպանութեան թանգարանի տարածքը յատկացուած է Հայոց ցեղասպանութեան յիշատակի հիմնադրամին, որ կը ղեկավարեն փրոֆէսոր Նելիտա Պուլգուրճեանն ու ճարտարապէտ Խուան Քարլոս Թուֆէկսեանը: Կառուցուելիք թանգարանը պիտի ըլլայ եռայարկ. թանգարանի ներքնայարկին պիտի ցուցադրուին ցեղասպանութենէն փրկուածներու վկայութիւններ: Առաջին յարկին վրայ պիտի ըլլայ ցեղասպանութեան թանգարանը, որու ցուցանմուշները հաւաքուած են վերջին 40 տարուան ընթացքին, իսկ երկրորդ յարկը նուիրուած պիտի ըլլայ Արժանթինի հայերու մշակութային ժառանգութեան ու արդի ցուցահանդէսներու: Երրորդ յարկին վրայ պիտի գործէ գրադարան:

Հարաւային Ամերիկայի Հայ Դատի յանձնախումբի ղեկավար Ալֆոնսօ Տաբակեանի գնահատմամբ, տարբեր երկիրներու մէջ Հայոց ցեղասպանութեան թանգարաններու բացումը լաւագոյն զէնքն է ընդդէմ թրքական եւ ատրպէյճանական հակահայ քաղաքականութեան եւ ժխտողականութեան: «Թող փաստերը խօսին, լուսանկարները, ականատեսներն ու վկայութիւնները, որոնք կը պատմեն 100 տարի առաջ տեղի ունեցած ոճիրի մասին»,- յայտարարած է ան:

Յասմիկ Յարութիւնեան

Scroll Up