Դրամահաւաք` Ի Նպաստ Սուրիոյ Մէջ Բնակող Հայութեան

Ինչպէս «Հայերն այսօր»-ին կը տեղեկացնէ Հոլանտայի մէջ մեր կայքի թղթակիցը, վերջերս Ալմելոյի Հայ Առաքելական եկեղեցւոյ Գալուստ Կիւլպէնկեան սրահին մէջ կայացած է հոլանտահայ համայնքի հաւաք-երեկոյ, որուն ընթացքին տեղի   ունեցած է  դրամահաւաք:  Այն կազմակերպած էր Հոլանտայի Արամ Մանուկեան կոմիտէն «Օգնիր եղբօրդ»  դաշնակցութեան ընդհանուր ծրագիրի ծիրէն ներս: Ծրագիրի նպատակն էր նիւթական օժանդակութիւն հաւաքել` ի նպաստ Սուրիոյ մէջ բնակող հայութեան:

Դրամահաւաքին որպէս արդիւնք  հաւաքուած է  շուրջ 2500 ԱՄՆ տոլար, որ պէտք է փոխանցուի Սուրիահայութեան:

Մանուկ Մկրտչեան

Ալմելօ, Հոլանտա

Scroll Up