Հալէպի Մէջ Քանի Մը Օրուան Դադարէն Ետք Վերականգնուած Է Ելեկտրամատակարարումը

Վեցօրեայ դադարէն ետք Սուրիոյ Հալէպ քաղաքին մէջ վերականգնուած է էլեկտրականութիւնը: Այս տարուան յունուար 3-էն Հալէպ լիովին խաւարի մէջ էր` էլեկտրականութեան բացակայութեան պատճառով:

Քաղաքի բնակչութիւնը զրկուած է նաեւ ջուրէն: Հայկական  քանի մը ակումբներ ժամանակ առ ժամանակ ջուր կը մատակարարեն հայ բնակչութեան:

Հալէպահայութիւնը Ամանորը դիմաւորած է ոչ միայն մթութեան, այլեւ բազմաթիւ  պայթումներու ներքոյ: Բայց հակառակ  բոլոր դժուարութիւններու` Սուրբ Ծննդեան առիթով Սուրբ Պատարագ  մատուցուած է հայկական եկեղեցիներուն մէջ, իսկ հայկական վարժարաններուն մէջ ուսանողներն ու աշակերտները կը յանձնեն իրենց կիսամեակային քննութիւնները:

Ի դէպ` ողջ հակամարտութեան ընթացքին Սուրիոյ մէջ զոհուած է 91 հայ ` 66-ը Հալէպ քաղաքին մէջ,19-ը Դամասկոս, 4-ը Հասաքէ եւ 2-ը Լաթաքիոյ մէջ, վիրաւորներու թիւը 203-ն է, իսկ, ընդհանուր առմամբ, առեւանգուած է 117 հայ:

http://www.yerkirmedia.am

Scroll Up