Գանձայի Մէջ Մեծ Շուքով Նշուեցաւ Տէրեանական Օրը

Սոյն թուականի Յուլիս 21-ին, Վահան Տէրեանի հայրենական գիւղին՝ Գանձայի մէջ, մեծ շուքով նշուեցաւ Տէրեանական օրը։ Այս մասին կը հաղորդէ Akhaltskha.net-ը։
Օրհնութեամբ Սամցխէ-Ջաւախքի եւ Ծալկայի Ընդհանուր Առաջնորդական Փոխանորդ Հոգեշնորհ Տէր Մաղաքեայ Վարդապետ Ամիրեանի եւ Ախալցխայի եւ Բորժոմիի շրջաններու Հոգեւոր Տեսուչ՝ Հոգեշնորհ Տէր Յակոբ աբեղայ Սահակեանի, տօնակատարութեան ուխտաւորաբար մասնակցելու գացած էին նաեւ Ախալցխայի Հոգեւոր Տեսչութեան, Սուրբ Գրիգոր Լուսաւորիչ Եկեղեցւոյ հաւատացեալ հայորդիները՝ ուղեկցութեամբ Ախալցխայի յարակից շրջաններու հոգեւոր հովիւ՝ Արժանապատիւ Տէր Թորգոմ Քահանայ Վարդանեանի։

Ուխտաւորները հաղորդակից եղան Սուրբ եւ Անմահ Պատարագին եւ ներկայ գտնուեցան տօնական ձեռնարկին։

Աւարտին, Ախալցխայէն ժամանած ուխտաւորները եւ ներկաները մասնակցեցան հիւրասիրութեան եւ շնորհաւորեցին իրարու մեծն բանաստեղծի յիշատակի օրուան առիթով։

Scroll Up