Հաթերքի Մէջ Պիտի Կազմակերպուի ժենկեալով Հացի Փառատօն

Մայիս 11-ին Մարտակերտի շրջանի Հաթերք համայնքին մէջ պիտի կազմակերպուի ժենկեալով հացի երկրորդ փառատօնը:

«Արցախպրես»-ի  թղթակիցին  հետ   զրոյցին     փառատօնի  կազմակերպիչ  Սամուէլ  Միրզախանեան  ըսած  է, որ  իրենք կը  նախատեսեն   ձեւաւորել   շուրջ  120  տաղաւար, ուր  վաճառքի   կը հանուին    տարբեր  արտադրատեսակներ:  Պիտի կազմակերպուի  նաեւ  հիւրասիրութիւն:

«Փառատօնի    մշակութային  մասը պիտի  ապահովեն   «Արցախի  ձայներ»  երաժշտական  համոյթը, հեղինակային  երգի  ակումբի   անդամները  եւ  Երեւանէն  հրաւիրուած  երաժիշտներ:   Պիտի ընենք  ամեն  ինչ, որ   այդ  օրը   վերածուի   տօնի: Ձեռնարկին  ընթացքին պիտի   ունենանք   նաեւ  հիւրեր, որոնց  հնարաւորինս    շատ  տեղեկութիւններ   պիտի հաղորդուին   Արցախի  մասին»,-աւելցուցած  է  Ս.  Միրզախանեան:

Ան տեղեկացուցած է նաեւ, որ   այն  անձիք, ովքեր  ցանկութիւն  ունին  մասնակցելու   ժենկեալով  հացի  փառատօնին,  կրնան երթուղիներու  տոմսերը   ձեռք  բերել    Ստեփանակերտի  Վերածնունդի   հրապարակին վրայ  տեղակայուած  զբօսաշրջութեան տեղեկատուական   կեդրոնէն:  Ստեփանակերտէն    Հաթերք      եւ  հակառակ    ուղղութեամբ   մէկ տոմսի  արժէքը`  2.000  դրամ  է: Երթուղիները  մայիս  11-ին,  ժամը`  09:30-ին, պիտի շարժուին  դէպի  Հաթերք, իսկ  այնտեղէն  ալ`  16:00-ին:

Scroll Up