ԴԻԱԼՈԳ կազմակերպութեան մէկուկէսամեայ գործունէութիւնը. արդիւնքներ եւ նոր ծրագիրներ

Տեղի ունեցաւ Մոսկուայի ԴԻԱԼՈԳ կազմակերպութեան հիմնադիրներու տարեկան ժողովը, որ ամփոփեց կազմակերպութեան մէկուկէսամեայ գործունէութեան արդիւնքները եւ նախանշեց նոր ծրագիրները:

Այս ընթացքին կազմակերպութիւնը, իբրեւ վերկուսակցական համախմբում, հասարակական դիւանագիրութեան ուղղութեամբ իրականացուցած է ծրագիրներ, որոնք ուղղուած  եղած են ազգամիջեան եւ միջպետական յարաբերութիւններու զարգացման, քաղաքացիական խաղաղութեան եւ տարածաշրջանային անվտանգութեան ամրապնդման: Ատոնց շարքին են. կլոր սեղաններու եւ շնորհանդէսներու կազմակերպումը «Զգո’յշ, պատմական փաստեր են» եւ «Հայաստանը բարեկամներու աչքերով» ծրագիրներու ծիրէն ներս, Հայաստանի եւ Ռուսաստանի պետական գերատեսչութիւններու, քաղաքական կուսակցութիւններու հետ յարաբերութիւններու զարգացումը, ռուսաստանեան տարածաշրջաններու հետ համագործակցութիւնը, խոշոր միջազգային միջմշակութային փառատօններու մասնակցութիւնը: Այս գործունէութիւնը թոյլ  տուած է ընդլայնելու Հայաստանի եւ Ռուսաստանի, ինչպէս նաեւ այլ երկիրներու  միջեւ երկխօսութեան դաշտը:

ԴԻԱԼՈԳ կազմակերպութիւնը տեղի ունեցած է Մոսկուայի առաջին հայկական քաղաքագիտական ժողովը, աշխուժօրէն համագործակցած է ռուսաստանեան յառաջատար վերլուծական կեդրոններու հետ, պարբերաբար մասնակցած է միջազգային գիտաժողովներու, որ թոյլ  տուած է մշակելու եւ ներկայացնելու համապատասխան երաշխաւորութիւններ միջազգային եւ տարածաշրջանային անվտանգութեան ամրապնդման, տնտեսական զարգացման եւ հումանիտար համագործակցութեան վերաբերեալ:

Կազմակերպութեան համար գործունէութեան կարեւոր փուլ  հանդիսացած է Ռուսաստանի նախագահական ընտրարշաւին` ի պաշտպանութիւն նախագահի թեկնածու Վլատիմիր Փուտինի հանդէս գալը: Այդ աշխատանքը  գնահատուած է ՌԴ նախագահի շնորհակալագիրով:

ԴԻԱԼՈԳԸ նպատակ ունի յետագային նոյնպէս կազմակերպելու քաղաքագիտական համաժողովներ, հասարակական բանավէճեր, մշակութային ձեռնարկներ, հրատարակելու եւ շնորհանդէսներու տեսքով ներկայացնելու թեմատիկ գիրքեր գործող ծրագիրներու ծիրէն ներս, տարբեր մակարդակներու վրայ երկխօսութիւն վարել քաղաքական կուսակցութիւններու եւ պետական հաստատութիւններու հետ:

Իսկ Dialogorg.ru կայքը տեղեկատուական-վերլուծական հարթակի վերափոխելը եւ բանավէճի նոր հարթակներու հիմնումը, որոնց շարքին մէջ պիտի ըլլայ նաեւ «Լորիս-Մելիքով» ժողովը, կոչուած են ուժեղացնելու տեղեկատուական-վերլուծական աշխատանքները: Այդ գործունէութեան կարեւոր բաղադրիչ պիտի ըլլայ նաեւ երիտասարդ հետազօտողներու համար ուսոցողական դասընթացներու իրականացումը:

Կը նախատեսուի նոր մակարդակի բարձրացնել փոխգործակցութիւնը Ռուսաստանի եւ այլ երկիրներու վերլուծական հաստատութիւններու հետ, համատեղ կազմակերպել գիտաժողովներ, հրատարակել վերլուծական նիւթեր, իրականացնել տարբեր ընդելուզման ծրագիրներու տեղեկատուական-վերլուծական ուղեկցումը:

Քաղաքական, իրաւաբանական եւ տնտեսական բնոյթի խորհրդատուութեան իրականացումը նոյնպէս կարեւոր տեղ կը զբաղեցնէ կազմակերպութեան գործունէութեան մէջ:

Ժողովը քննարկեց նաեւ կազմակերպական հարցեր: ԴԻԱԼՈԳ կազմակերպութեան նախագահ  վերընտրուած է հասարակական-քաղաքական գործիչ, քաղաքագէտ Եուրի Նաւոյեանը: Ներդրուած է կազմակերպութեան համանախագահներու հիմնարկ. ԴԻԱԼՈԳԻ համանախագահներ  ընտրուած են քաղաքագէտ, պատմական գիտութիւններու թեկնածու Արեգ Գալստեանը եւ քաղաքագէտ, գործարար Գոռ Կարախանեանը:

***

ԴԻԱԼՈԳ կազմակերպութեան նախագահ Եուրի Նաւոյեան

Եուրի Նաւոյեան ծնած է 1969 թ.: Աւարտած է ԵՊՀ պատմութեան բաժանմունքը, ՌԴ ԱԳՆ Դիւանագիտական ակադեմիայի միջազգային յարաբերութիւններու բաժանմունքը, Մոսկուայի քաղաքական հետազօտութիւններու դպրոցը, Եւրոպայի Խորհուրդի քաղաքագիտական դասընթացները (Սթրասպուրկ), վերապատրաստուած է  Հարվըրտի համալսարանի իրաւաբանական դպրոցին մէջ (Պոսթըն): Ծառայած է բանակին մէջ:

Մինչեւ 2002 թ.` Մոսկուա տեղափոխուիլը, եղած է ՀՀ կրթութեան եւ գիտութեան նախարարութեան նորաստեղծ Սփիւռքի բաժինի պետ, իսկ 2002-2016 թթ.` «Ռուս-հայկական համագործակցութիւն» կազմակերպութեան (Մոսկուա) նախագահը: 2017 թ. ապրիլին համախոհ քաղաքագէտներու հետ հիմնադրած է ԴԻԱԼՈԳ կազմակերպութիւնը, որուն նախագահն է մինչեւ օրս:

Միջպետական յարաբերութիւններու զարգացման ուղղուած երկարամեայ եւ հասարակական-քաղաքական գործունէութեան համար պարգեւատրուած է ՀՀ «Մովսէս Խորենացի» մետալով, Արցախի Հանրապետութեան «Երախտագիտութիւն» մետալով, ՀՀ ԱԳՆ Պատուոյ մետալով, ՌԴ ԱԳՆ «Փոխհամագործակցութեան համար» մետալով, ՀՀ սփիւռքի նախարարութեան ոսկէ մետալով, ՀԱՊԿ գլխաւոր քարտուղարի շնորհակալագիրով, ՌԴ նախագահի շնորհակալագիրով, ՌԴ նախագահին կից Ռազմավարական հետազօտութիւններու ռուսաստանեան հիմնարկի «Արժանիքներու համար» մետալով, ԱՊՀ երկիրներու հիմնարկի «Գիտական հետազօտութիւններու եւ հայրենակիցներու աջակցութեան համար» մետալով, ՌԴ գրողներու միութեան «Ալեքսանդր Գրիբոյեդով» մետալով:

Ամուսնացած է, ունի որդի:

ԴԻԱԼՈԳ կազմակերպութեան համանախագահ Արեգ Գալստեան

Արեգ Գալստեան ծնած է 1989 թ.: Աւարտած է Տոմսկի պետական համալսարանի պատմութեան բաժանմունքի միջազգային յարաբերութիւններու բաժինը, Պերկլիի Քալիֆորնիոյ համալսարանի համաշխարհային քաղաքականութեան եւ ԱՄՆ ներքաղաքական գործընթացներու ծրագիրը: Եղած է Միշիկընի համալսարանի երիտասարդ քաղաքագէտներու ծրագիրի կրթաթոշակառու: Պատմական գիտութիւններու թեկնածու:

Միջազգային գործերու ռուսաստանեան խորհուրդի (РСМД) փորձագէտ է, Ռոբերտ Տոուլի անուան Քաղաքագիտական հետազօտութիւններու բաժանմունքին կից «The Great American Society» անդամ (ԱՄՆ):

Forbes, The National Interest, The American Thinker, РБК ամսագիրներու մնայուն փորձագէտ եւ սիւնակագիր է,  The Armenian Interest գիտա-վերլուծական կեդրոնի հիմնադիր եւ ղեկավար: Կը հանդիսանայ ԴԻԱԼՈԳ կազմակերպութեան համահիմնադիրներէն մէկը:

Ամուսնացած է:

ԴԻԱԼՈԳ կազմակերպութեան համանախագահ Գոռ Կարախանեան

Գոռ Կարախանեան ծնած է 1986 թ.: Աւարտած է Մոսկուայի պետական իրաւաբանական ակադեմիան եւ Պուկինգեմի համալսարանը (Մեծ Բրիտանիա), ուր ուսումնասիրած է քաղաքագիտութիւն եւ իրաւունք:

Տարբեր տարիներու իրաւաբան  աշխատած է «Սոտրուդնիչեստուո» փաստաբանական գրասենեակին մէջ եւ Մոսկուայի «Բարշեւսկի եւ գործընկերներ» փաստաբանական խորհուրդին մէջ: Կը հանդիասնայ Մոսկուայի մէջ ճաշարաններու ցանցի հիմնադիր եւ սեփականատէր:

Ներկայիս «Սկոլկովօ» միջազգային գործարարութեան դպրոցի ունկնդիր է: Կը հանդիսանայ ԴԻԱԼՈԳ կազմակերպութեան համահիմնադիրներէն մէկը:

Ամունսացած է, ունի երեք երեխայ:

Scroll Up