Սուրիահայ Մշակոյթի Շունչը Երեւանի ՄԷջ

Հոկտեմբեր 16-ին Հիւսիսային պողոտային վրայ սփիւռքի նախարարութեան, «Հայկական Կարիտաս» բարեսիրական ՀԿ-ի, ՄԱԿ ՓԳՀ հայաստանեան գրասենեակի, «Սուրիահայերու հիմնախնդիրները համակարգող կեդրոն» ՀԿ-ի եւ Երեւանի քաղաքապետարանի աջակցութեամբ բացուեցաւ «Սուրիահայ մշակոյթի շունչը Երեւանի մէջ» խորագիրով բարեգործական ցուցահանդէս-տօնավաճառը: Այն այս անգամ նուիրուած է Երեւանի 2800-ամեակին:

Խօսելով նմանատիպ ձեռնարկներու կարեւորութեան մասին` սփիւռքի նախարարութեան Մերձաւոր եւ միջին Արեւելքի հայ համայնքներու վարչութեան պետ Լեւոն Անտոնեան մասնաւորապէս նշեց. «Ասիկա հիանալի հնարաւորութիւն է Հայաստանի մէջ սուրիահայերու սոցիալ-տնտեսական ընդելուզման աջակցելու, իրենց արտադրութիւնը ներկայացնելու, գումար վաստակելու, տեղական շուկայ նոր շունչ եւ նոր մշակոյթ բերելու եւ փոքր ու միջին գործարար ոլորտին մէջ մրցակցութեան նպաստելու համար»:

Ցուցահանդէս-տօնավաճառի ծիրէն ներս այսօր եւ վաղը 50-է աւելի սուրիահայեր հնարաւորութիւն ունին ներկայացնելու իրենց ձեռքի աշխատանքներն ու զարդերը, քաղցրաւենիք ու արեւելքի համային բազմերանգութեամբ ֆալաֆըլ:

 

Scroll Up