Կը շարունակուին սփիւռքի նախարարութեան «Քայլ դէպի տուն» ծրագիրի մասնակիցներու այցելութիւնները Հայաստանի պատմամշակութային վայրեր, կրթական հաստատութիւններ, յառաջատար ուսումնական, ստեղծարար եւ արհեստագիտական կեդրոններ:

Կը կազմակերպուին հանդիպումներ պետական պաշտօնեաներու եւ մշակութային գործիչներու հետ:

Օգոստոս 20-ին, ժամը` 14.00-ին, Երեւանի Հայ-ռուսական համալսարանին մէջ ծրագիրի մասնակիցներուն համար կը կազմակերպուի «Արմատներ» ֆիլմի դիտումը: Սենարի հեղինակն է Կարինէ Խոդիկեան, բեմադրիչ` Վահէ Եան:

Նոյն օրը ժամը` 16.00-ին, «Քայլ դէպի տուն» ծրագիրի մասնակիցները կ’այցելեն Հայոց ցեղասպանութեան յուշահամալիր:

Օգոստոս 21-ին «Քայլ դէպի տուն» ծրագիրի բոլոր մասնակիցներուն համար կը մեկնարկէ ճամբարային ծրագիրը: