Ինչպէս տեղեկացուցած էր «Հայերն այսօր»-ը, օգոստոս 10-24 ՀՀ սփիւռքի նախարարութիւնը պիտի իրականացնէ «Քայլ դէպի տուն» ուսումնաճանաչողական ծրագիրը, որ նախատեսուած է 13-21 տարեկան սփիւռքահայ պատանիներու եւ երիտասարդներու համար:

Ծրագիրի մասնակիցները Հայաստանի մէջ գտնուելու  օրերուն կարիքը ունին հիւրընկալ ընտանիքներու:

Այս առնչութեամբ ՀՀ սփիւռքի նախարար Մխիթար Հայրապետեան, ծրագիրին մասնակից սփիւռքահայ երիտասարդներու մասնակցութեամբ, իր ֆէյսպուքեան էջին վրայ տեսանիւթ  մը հրապարակած է` յորդորելով հայ ընտանիքներուն իրենց տան դռները բանալ անոնց առջեւ: «Այս հրաշալի հայ պատանիները սպասում են, որ դուք դառնաք նրանց հիւրընկալ ընտանիքները, հիւրընկալէ՛ք նրանց ձեր ընտանիքներում»,- իր խօսքին մէջ նշած է Մխիթար Հայրապետեան:

Սիրելի՛ հայ ընտանիքներ, եթէ ցանկութիւն ունիք ձեր տան մէջ հիւրընկալելու Սփիւռքէն ժամանած պատանիներ կամ երիտասարդներ, կը խնդրենք լրացնել եւ ներկայացնել ներքոնշեալ յայտադիմումը:

Յայտադիմումը կրնաք լրացնել այստեղ`

https://docs.google.com/forms/d/e/1FAIpQLScmlTwpYhbkwx34iYj5JBpEGcToKVzFtE1PRZjkq4ylFv-g-Q/viewform