Դասախօսութիւն` Վասպուրականի «Նահանջ Բիւրոց» Երթուղին Եւ Իրաքահայ Կանանց Բարեսիրական Գործունէութիւնը 20-րդ Դարուն

Հայ Օգնութեան Միութեան Երեւանի «Մկրո» մասնաճիւղը, Արամ Մանուկեան Երիտասարդական կեդրոնին մէջ, Շաբաթ` Մարտ 24, 2018թ.ին, կազմակերպեց դասախօսութիւն` 1918թ. Վասպուրականի «Նահանջ բիւրոց» երթուղին եւ իրաքահայ կանանց բարեսիրական գործունէութիւնը 20-րդ դարուն:

Օրուան դասախօսն էր` դոկտ, Սեդա Օհանեան, որ Հայերն այսօր-ին յայտնեց թէ դասախօսութեան թուականը կը համընկնի 1918թ-ին այս օրերուն իրադարցութեան  հետ, «1918 թ. Վասպուրականի «Նահանջ բիւրոց»ի 100-ամեակը հենց այս օրերուն է… 1918 թ.ի Մարտ 21-ին, Վանի եւ շրջակայ գաւառներու հազարաւոր հայ բնակչութիւնը, որոնք Կովկասէն օգնութեան ոչ մէկ յոյս ունենալով զինուորական ղեկավարութիւնը նահանջի հրաման կու տայ… Այս նահանջով է, որ Մեծ Հայքի 15 նահանգներէն ամենամեծը՝ Վասպուրական Աշխարհը վերջնականապէս կը հայաթափուի, որ տեղի ունեցած է ճիշդ այս օրերուն»:

Դոկտ. Օհանեան իր խօսքին մէջ վեր հանեց Իրաքի մէջ հայ կնոջ դերը 100 տարուան ընթացքին, սկիզբը օգնութեան ձեռք մեկնելով որբերուն, կարիքաւոր ընտանիքներուն , ապա վերջին տարիներուն նոր սերունդի հայեցի դաստիարակութեան գործին, նուիրեալ կանանց կազմակերպութիւններու, միութիւններու եւ անհատներու դերը:

Դասախօսութեան աւարտին ՀՕՄ-ի «Մկրո»-ի մասնաճիւղի ատենապետուհի`տիկ. Շաքէ Արծիւեան շնորհակալութիւն յայտնեց օգտաշատ դասախօսութեան համար, եւ յուշանուէր մը յանձնեց դոկտ. Օհանեանին:

 

Scroll Up