Սուրբ Սարգիս Զօրավարի Երիտասարդներու Եւ Սիրոյ Տօնին Հայ Ժողովրդական Սովորութիւնները

Հայ Ժողովուրդը Սբ. Սարգիս զօրավարի տօնը կը նշէ, ոչ միայն եկեղեցական արարողութիւններով, այլ նաեւ ժողովրդական սովորութիւններով, որոնք աւանդութիւն դարձած են։

Սբ. Սարգիս զօրավար երիտասարդներու եւ սիրահարներու արագահաս բարեխօսն է, անոր միջամտութեամբ տեղի կ’ունենայ հրաշքներ։ Սբ. Սարգիս զօրավարի տօնին եւ անոր նախորդող օրերուն երիտասարդները կ’աղօթեն անոր, որպէսզի իրենց աղօթքները եւ բարի փափաքներն ու երազանքները իրականացնելու համար ամենակալ , բարձրեալն Տիրոջ՛ հասցնէ։

Տօնին կը նախորդէ 5 օրուայ առաջաւորաց պահքը։

Սուրբ  Սարգիս Զօրավարի տօնի նախօրեակին,տան տանիքին  եւ կամ պատշգամին  վրայ ալիւրով լեցուն ափսէ մը դնելը  հայ ժողովրդական ամենածանօթ սովորութիւններէն մին է:Հայ ժողովուրդը համոզուած է թէ, Սբ.Սարգիս Զօրավար իր սպիտակ ձիով  շատ արագ պիտի ցատկի իրենց տան տանիքին եւ կամ տան պատշգամին  վրայէն եւ անոր ձին պիտի կոխէ ալիւրով լեցուն ափսէին վրայ եւ ձիուն պայտին հետքը պիտի մնայ ալիւրով լեցուն ափսէին մէջ, որ, ժողովրդական համազումով կը նշանակէ, թէ հետքը տան եւ տան անդամներուն բարիք պիտի բերէ եւ ի մասնաւորի,եթէ’ տան մէջ երիտասարդ  կայ անոր  բարի երազանքները եւ փափաքները այդ տարի պիտի իրականանան:

Մուսա լեռցի հայերը,Սբ.Սարգիս զօրավարի տօնին առթիւ կ’եփեն  հաց եւ քաղցրեղէնի  նման  մէջը  մետաղեայ դրամ դրուած յատուկ խմորեղէն մը,տօնին օրը, այս խմորեղէնը կը  բաժնեն տան բոլոր անդամներուն, ով~ որ, այդ դրամը կը գտնէ,ան կը համարուի տարուայ  բախտաւորը:

Սբ.Սարգիս Զօրավարի տօնի ժողովրդական սովորութիւններէն մին է նաեւ, առաջաւորած պահք պահող երիտասարդները  տօնի նախօրեակին երեկոյին աղի կրկնեփ (biskuit) կ’ուտեն, որպէսզի տեսնեն թէ,երազին մէջ ով~, իրենց ջուր պիտի տայ, ինչպիսի գաւաթի մէջ եւ որքան ջուր պիտի ըլլայ գաւաթին մէջ: Եթէ գաւաթը ոսկեայ է,իրենց ամուսնութեան թեկնածուն պիտի ըլլայ հարուստ ,իսկ եթէ գաւաթը փայտէ է թեկնածուն պիտի ըլլայ աղքատ :Եթէ, ջուրի գաւաթը ամբողջովին լեցուն է,երկար ու ցմահ ամուսնութեան կեանք, իսկ եթէ,գաւաթը կիսով լեցուն է , կարճ ամուսնութեան կեանք կը կանխագուշակուէր.

Սուրբ Սարգիս տօնը շարժական տօն է,տօնին կը յաջորդէ բարեկենդանը եւ ապա քառասունօրեայ մեծ պահքը:

Տոքթ.Սարգիս Ատամ

 

Scroll Up