Հինգշաբթի 16 նոյեմբեր 2017ին Սուրիոյ Խորհրդարանի նախագահ Համուտա Սապպաղ ընդունեց Սուրիա-Հայաստան գործարար խորհուրդի անդամներ՝ Խորհուրդի նախագահ Լեւոն Զաքի Ետալեանը, խորհուրդի փոխնախագահ Շահէ Եագուպեան և Գանձապահ Պատրիկ Այտնեանը, ներկայութեամբ Սուրիա-Հայաստան Խորհրդարանական բարեկամական յանձնաժողովի նախագահ տոկդ. Նորա Արիսեան և յանձնախումբի անդամները:

«Հայերն այսօր»-ը յղում կատարելով Սուրիոյ ՍԱՆԱ գործակալութեան կը յայտնէ, որ հանդիպումին առանձքը կազմեցին Սուրիա Հայաստան տնտեսական և առևտրական յարաբերութիւնները:

Սապպաղ իր խօսքին մէջ հաստատեց երկու բարեկամ երկիրներուն միջև տնտեսական համագործակցութեան կարևորութիւնը, երկու ժողովուրդներու դարաւոր յարաբերութիւններուն լոյսին տակ, և հայերը համարեց Սուրիոյ ժողովուրդին կարևոր մասնիկը:

Սապպաղ անդրադարձաւ նաև ահաբեկջութեան դէմ Սուրիոյ մղած պատերազմին հանդէպ Հայաստանի կառավարութեան աջակցող դիրքորոշումներուն:

Սուրիա-Հայաստան Խորհրդարանական բարեկամական յանձնաժողովի նախագահ տոկդ. Նորա Արիսեան հաստատեց, որ խորհրդարանը կը ձգտի Սուրիոյ և Հայաստանի միջև տնտեսական յարաբերութիւններու ամրապնդման` Սուրիա-Հայաստան գործարար խորհուրդի ճամբով, մանաւանդ որ Հայաստանը պիտի մասնակցի Սուրիոյ վերաշինութեան գործին մէջ:

Իր կարգին Լեւոն Զաքի ներկայացուց Սուրիա-Հայաստան գործարար խորհուրդի տարած աշխատանքները, և յայտնեց որ Հայաստանի մէջ պիտի իրականացուի սուրիական ապրանքներուն մշտական ցուցահանդէս որ ապագային պիտի վերածուի առևտուրի փոխանակման կեդրոն: Ան ակնարկեց նաև թէ հայկական ընկերութիւնները շահաքրքրուած են մասնակցելու Սուրիոյ վերաշինութեան գործին, և թէ ջանքեր պիտի գործադրուին առևտրական յարաբերութիւնները զարգացնելու համար: