«Արի Տուն»ը` Որպէս Վառ Յիշողութիւն. Սոչիի Քաղաքային Խորհուրդի Պատգամաւոր

ՀՀ ՍՓԻՒՌՔԻ ՆԱԽԱՐԱՐ

ՀՐԱՆՈՅՇ ՅԱԿՈԲԵԱՆԻՆ

 Յարգելի՛ տիկին Յակոբեան,

Շնորհակալութիւն կը յայտնեմ Ձեզի «Արի տուն» ծրագիրը արհեստավարժ, բարձր մակարդակով կազմակերպելու, Սոչիի դպրոցականներուն հայրենի հողին վրայ հիւրընկալելու գործին մէջ աջակցութիւն ցուցաբերելու համար: Մասնակցելով ծրագիրին` Ատլերի հայ դպրոցականները հնարաւորութիւն ունին իրենց ամառնային հանգիստը իրականացնելու Հայաստանի մէջ, համատեղելու այն ուսման հետ, ծանօթանալու հայ ժողովուրդի մշակոյթին եւ ազգային աւանդոյթներուն, ընդլայնելու իրենց աշխարհայեացքը, շրջակայ միջավայրին հանդէպ ձեւաւորելու դրական վերաբերմունք: Ծրագիրին ծիրէն ներս կազմակերպուող այցելութիւնները իւրաքանչիւր երեխայի կեանքին մէջ կը դառնան որպէս վառ յիշողութիւն, նպաստելով հայ եւ ռուս ժողովուրդներու միջեւ բարեկամութեան եւ համերաշխութեան ամրապնդման ու զարգացման:

Կ’ակնկալենք յետագայ համագործակցութիւն «Արի տուն» ծրագիրի ծիրէն ներս:

Յարգանքով`

Է. Ժուկովա

Սոչիի քաղաքային խորհուրդի պատգամաւոր,

Գրասնոտարի երկրամասի երիտասարդ պատգամաւորներու խորհուրդի մարմնակրթութեան եւ երիտասարդութեան հարցերով կոմիտէի նախագահ

 

Scroll Up