Կ’աւարտէ «Արի Տուն» Ծրագիրի Չորրորդ Փուլը

Յուլիս 21-ին, ժամը` 18:30-ին, Աղաւնաձորի «Արի տուն» ճամբարին մէջ տեղի պիտի ունենայ ՀՀ սփիւռքի նախարարութեան «Արի տուն» ծրագիրի չորրորդ փուլի փակման հանդիսաւոր արարողութիւնը, որուն պիտի մասնակցին ՀՀ սփիւռքի նախարար Հրանոյշ Յակոբեան, ՀՀ Ազգային ժողովի փոխխօսնակ Էդուարդ Շարմազանով, «Սփիւռք» ամառնային դպրոցի ուսուցիչները, պետական եւ մշակոյթի գործիչներ, հիւրեր:

Արիտունցիները հանդէս կու գան համերգային ծրագիրով, որ պատրաստած են ճամբարային օրերուն ընթացքին:

Նշենք, որ ծրագիրի չորրորդ փուլին կը մասնակցի 156 պատանի եւ աղջիկ` աշխարհի 14 երկրէ` Ռուսաստանէն, Ուքրանիայէն, Պելառուսէն, Վրաստանէն, Իրաքէն, Սուրիայէն, ԱՄՆ-էն, Գանատայէն, Պելճիգայէն, Յունաստանէն, Ֆրանսայէն, Չեխիայէն, Շուէտէն, Աւստրալիայէն:

Լրագրողները տեղափոխող հանրակառքը կը շարժի յուլիս 21-ին, ժամը 17.00-ին Ստեփան Շահումեանի անուան հրապարակէն (հասցէ` Վ.Սարգսեան 3):

 

Scroll Up