Հայը Պէտք Է Ոչ Միայն Զէնքով Կռուի, Այլ Նաեւ Խելքով». Արի Տուն-2017» Ծրագիրի Սուրիահայ Մասնակից

«Հայերն այսօր» Հայաստան ըսելուս կը զգամ կարօտ. այսպէս կը բնորոշէ հայրենիքը 14-ամեայ սուրիահայ Յակոբ Չոլաքեան, որ 2014 թուականէն կ´ապրի Հայաստան: Ան «Արի տուն» ծրագիրի մասին լսած է ընկերներէն, իսկ ծրագիրին մասնակցիլ յորդորած է հայրը: Յակոբի խօսքերով` Քեսապի մէջ ամէնուր հայկական միջավայր է, յաճախած է հայկական դպրոց եւ այդ պատճառով հայկականութիւնը իրեն մէջ դեռ մանկութեան տարիներէն է:

«Կը մասնակցիմ այս ծրագիրին, որ աւելի վարժուիմ ընկերական կեանքին, աւելի լաւ ուսումնասիրեմ Հայաստանը: Ծրագիրի լաւ կողմերէն մէկն ալ այն էր, որ այցելեցինք տարբեր պատմական վայրեր, հաճելի օրեր անցուցինք, գիտելիքներս հարստացուցի,-նշեց Յակոբ Չոլաքեան եւ աւելցուց, – Իմ կարծիքովս հայը պէտք է ոչ միայն զէնքով կռուի, այլ նաեւ իր խելքով, պէտք է իր մասնագիտութեամբ միշտ առաջինը ըլլայ: Ես կը ցանկամ, որ Սփիւռք ապրող մարդիկ, երտասարդներն իմանան իրենց ազգին եւ պատմութեան մասին»:

Անահիտ Աբրահամեան

ԵՊՀ ռոմանագերմանական բանասիրութեան բաժանմունքի 4-րդ կարգի ուսանողուհի

 

Scroll Up