Ձեռնարկ` Նուիրուած Ծովանկարիչ Յովհաննէս Այվազովսկիի Ծննդեան 200-Ամեակին

«Հայերն այսօր»-ի փոխանցմամբ` Քասախի թիւ 1 դպրոցի 7-րդ դասարանի աշակերտներն իրենց նկարչութեան ուսուցչուհի` Տաթեւ Մարտիրոսեանի հետ միասին ՀՀ սփիւռքի նախարարութեան «Մեր մեծերը» ծրագիրի ծիրէն ներս ներկայացուցին ձեռնարկ` նուիրուած մեծ արուեստագէտ, ծովանկարիչ Յովհաննէս Այվազովսկիի ծննդեան 200–ամեակին:

Աշակերտները ներկայացուցին հայազգի նկարիչի կենսագրութիւնը, գլուխգործոցներու ստեղծման պատմութիւնը,անոր մատուցած

ծառայութիւնները հայ ժողովուրդին եւ հայկական մշակոյթին: Այդ տեղեկատուութիւնը ալ աւելի պատկերաւոր դարձուց կոմիտասեան մեղմ հնչիւններու ներքոյ ցուցադրուած սալիկահանդէսը: Ձեռնարկը աւարտեցաւ «Այվազովսկիի կանանց դերը անոր կեանքին մէջ» թեմայով, ցուցադրուեցան անոնց նուիրուած կտաւները եւ Այվազովսկիի վերջին կտաւը`«Թրքական նաւի պայթիւնը»: Այս ձեռնարկը, յիրաւի, իւրօրինակ  դաս մըն էր, որուն ծիրէն ներս  բոլոր ներկաները մէկ անգամ եւս առիթ ունեցան ուսանելու  մեր մեծերու  ստեղծած հոգեւոր արժէքներու  խորհուրդը խորին, ատոնց հնչեղութեան կարեւորութիւնը համաշխարհային արուեստի պատմութեան գանձարանին մէջ: Այվազովսկին ծովի տեսարաններով, մակընթացութիւններով ու տեղատուութիւններով կրցած է արտայայտել մարդկային հոգիի եւ առաւելապէս` հայ ժողովուրդի պատմական ճակատագրի բոլոր վերիվայրումներն ու  տրամադրութիւնը, Ծովից ծով  վաղնջական Հայաստանի  հանդէպ  ունեցած  կարօտը:

23

4 5

 

Scroll Up