Աջակցութիւն Սուրիահայ Ընտանիքին
Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501
Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501
Notice: get_currentuserinfo is deprecated since version 4.5.0! Use wp_get_current_user() instead. in /home3/azerytoday/public_html/hayerold/wp-includes/functions.php on line 3839
Ապրիլ 27-ին ՀՀ սփիւռքի նախարար Հրանոյշ Յակոբեան ընդունեց Նիւ Ճըրզիի «Յովնանեան» վարժարանի սաները` փոխտնօրէն Սիլվա Մեսրոպեանի եւ ուսուցչուհի Թագուհի Տապաղեանի ուղեկցութեամբ: Վարժարանի սաները նախարարութիւն եկած էին յատուկ առաքելութեամբ` իրենց աջակցութիւնը փոխանցելու Երեւանի մէջ բնակող սուրիահայ Դաւիթ Գազանճեանի ընտանիքին:
Ողջունելով «Յովնանեան» վարժարանի սաները` նախարար Հրանոյշ Յակոբեան նշեց, որ վարժարանի անունը խորհրդանշական եւ պարտաւորեցնող է, եւ աւելցուց. «Յովնանեան եղբայրները մեծ ներդրում ունեն նոր Հայաստան կերտելու գործում: Ես ցանկանում եմ, որ դուք` որպէս հայ, նմանուէք Յովնանեաններին, եւ ձեզ համար նոյնպէս Հայրենիքը միշտ լինի առաջին տեղում: Ես ձեզ մի քանի խնդրանք ունեմ: Հայաստանից վերադառնալով` խոստացէք ինքներդ ձեզ, որ հայերէնը երբեք չէք մոռանալու:Յաճախ ձեր ծնողներին յորդորէք, որ ձեզ Հայաստան բերեն, եւ մշտապէս Հայրենիքը ձեր սրտում պահէք: Եւ վերջին խնդրանքս.շատ սովորէք, շատ կարդացէք եւ լաւ մարդ ու լաւ հայ եղէք, որպէսզի օտարների մէջ առանձնանաք ձեր տեսակով»:Նախարարը կարեւոր համարեց դպրոցին դերը հայապահպանութեան գործին մէջ եւ բարձր գնահատեց վարժարանին նախաձեռնութիւնը` օգնելու սուրիահայ ընտանիքին, որուն հինգ որդիներէն երեքը զինուորներ են եւ կը պաշտպանեն Հայրենիքի սահմանները:
«Յովնանեան» վարժարանի փոխտնօրէն Սիլվա Մեսրոպեան շնորհակալութիւն յայտնեց ջերմ ընդունելութեան համար: Ան մասնաւորապէս նշեց. «Ամէն տարի` ապրիլին, վարժարանի աշակերտները կու գան Հայաստան, կ’այցելեն պատմական եւ տեսարժան վայրերը: Այս տարի աշակերտերը որոշեցին հանդէս գալ նոր նախաձեռնութեամբ: Անոնք իրենց պատրաստած քաղցրաւենիքներու վաճառքի արդիւնքով հաւաքուած գումարը ցանկացան փոխանցել Երեւանի մէջ բնակող սուրիահայ Դաւիթ Գազանճեանի ընտանիքին»: Հանդիպման ընթացքին Սիլվա Մեսրոպեան «Յովնանեան»վարժարանի անունէն սուրիահայ ընտանիքին փոխանցեց 720 ԱՄՆ տոլար:
Հանդիպման աւարտին նախարար Հրանոյշ Յակոբեանի վարժարանի սաներուն նուիրեց Նահապետ Քուչակի հայրէնները` հայերէն եւ անգլերէն տարբերակներով, հայերէն գիրքեր եւ ֆիլմեր: Վարժարանի սաները դիտեցին նաեւ ՀՀ սփիւռքի նախարարութեան «Արի տուն» ծրագիրին մասին պատմող ֆիլմ:


Արևելահայերեն
Русский
English









