Թիֆլիսի Արղութեան վարժարանին մէջ Արամ Խաչատրեանի հետ կրթութիւն ստացած Նինա Մերեշնիկովային Արամ Խաչատրեան իր կահոյքէն քանի մը կտոր  նուիրած էր, որոնցմէ երկուքը Մերեշնիկովան յետագային նուիրած էր Արամ Խաչատրեանի տուն- թանգարանին, իսկ միւս երեքը (2 աթոռ եւ 1 պահարան)` իրեն բուժող բժիշկին:  Յետագային այդ իրերը յայտնուած էին Լաթվիոյ մէջ` խոշոր հաւաքորդի մը մօտ: Թանգարանի գլխաւոր ֆոնտապահը, որ բազﬕցս եղած է Մերեշնիկովայի բնակարանին մէջ, հաստատած է, որ ատոնք այդ նոյն իրերն են:

Ինչպէս կը տեղեկացնեն Արամ Խաչատրեանի տուն-թանգարանի հասարակայնութեան հետ կապերու բաժինէն` ՀՀ-ի մէջ Լաթվիոյ Հանրապետութեան պատուաւոր հիւպատոս պարոն Արէն Ղասապօղլեանի նախաձեռնութեամբ այդ իրերը Արամ Խաչատրեանի տուն-թանգարան պիտի վերադառնան:

Թիֆլիս ծնած ու հասակ առած Նինա Մերեշնիկովան կ´աշխատէր Երեւանի ակնաբուժական կեդրոններէն ﬔկուն մէջ: Թիֆլիսի Արղութեան վարժարանին մէջ ան ուսանած էր Արամ Խաչատրեանի հետ: Խաչատրեանի արուեստի ﬔծ երկրպագուն էր եւ ընտանիքի բարեկամը, իսկ տուն-թանգարանի ստեղծումէն  ետք` նաեւ տուն-թանգարանի բարեկամը: