«Դարձեալ Սկսիլ». Սուրիահայ Ատուր Պոստոյեանի 13-րդ` Ճակատագրական Այցը Հայաստան

Երեսուն եւ աւելի տարուան աշխատանքային փորձով ոսկերիչ, արծաթագործ է Ատուր Պոստոյեանը: Մէկ տարի առաջ անոր 13-րդ այցը Հայաստան որոշիչ եղաւ, ու ընտանիքին հետ միասին վերջնականապէս հաստատուեցաւ Հայաստանի մէջ:

Ատուրի երկու դուստրերն ալ հեշտօրէն ընդելուզուած  են հայաստանեան կեանքին, հրաշալի կը տիրապետեն արեւելահայերէնին ու բազմաթիւ ընկերներ ունին: Անոնցմէ աւագը Երեւանի պետական համալսարանի ուսանողուհի է, միւսը` 9-րդ դասարանի աշակերտուհի:

Բազմափորձ արծաթագործը կը մասնակցէր վերջերս Երեւանի մէջ տեղի ունեցած «Սուրիահայ մշակոյթի շունչը Երեւանի մէջ» բարեգործական ցուցահանդէս-տօնավաճառին,որուն ընթացքին ալ «Հայերն այսօր»-ի թղթակիցը զրուցած է անոր հետ:

 

 

Scroll Up